Łukašenkaŭskim sparynh-partnioram CVK padaryła harbatu z malinavym vareńniem
Čaj z malinavym vareńniem — viadomy miem ad Łukašenki.
Sałodkija nabory z pakunkaŭ harbaty i słoičkaŭ džemu atrymali byłyja kandydaty ŭ prezidenty paśla aficyjnaha padviadzieńnia vynikaŭ vybaraŭ CVK. Zdymak apublikavała Hanna Kanapackaja.
«Elektaralny praces byŭ niaprostym vyprabavańniem dla kandydataŭ i štaboŭ. Vybary prajšli, ale ŭdzieł u palityčnym žyćci krainy my nie spyniajem. My biarom nievialikuju paŭzu. Padvodziačy vyniki vybaraŭ prezidenta-25, CVK paradavaŭ takimi pryjemnymi drobiaziami. Nie tolki na pamiać, ale i dla zdaroŭja karysna. A siły nam jašče spatrebiacca!» — padpisała zdymki Kanapackaja.
Harbatu CVK prezientavaŭ z fantazijaj. «Alternatyŭnaje adcieńnie» — heta napoj z hibiskusam, malinaj i čarešniaj. «Stratehičnaja harmonija» — ramonkam i vasilkom. «Mažarytarny smak» — z čaboram, miataj i jahadami.
Zhodna z aficyjnymi vynikami CVK, Alaksandr Łukašenka atrymaŭ 86,82% hałasoŭ. Nastupnym pa papularnaści staŭ varyjant «suprać usich» — 3,6%. Kandydaty, jakija byli sparynh-partniorami Łukašenki, atrymali ad 3,2% da 1,7%
Taki padarunak ad CVK možna ličyć simvaličnym. Na adnoj z sustreč z žurnalistami Łukašenka niečakana pieravioŭ hutarku z vostraha pytańnia i prapanavaŭ prysutnym čaj z malinavym vareńniem. «Čaj z malinavym vareńniem» chutka staŭ miemam.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
I jany sami heta dakładna ŭśviedamlajuć.