Rasijanie zapuścili ŭ sietcy videa z adsiečanaj hałavoj ukrainskaha vajskoŭca
2 lutaha ŭ internecie rasijskija resursy pačali raspaŭsiudžvać fota ŭkrainskaha vajskoŭca z adsiečanaj hałavoj na pasudzinie. Artur Dabrasierdzieŭ, upaŭnavažany pa pytańniach asob, źnikłych bieź viestak pry asablivych abstavinach, paviedamiŭ, što jaho viedamstva papiarednie ŭstanaviła asobu zahinułaha, piša Bi-bi-si — Ukraina.
U paviedamleńni, apublikavanym u aficyjnym telehram-kanale ŭpaŭnavažanaha, paznačana, što Nacyjanalnaja palicyja ŭžo pravodzić nieabchodnyja śledčyja dziejańni i ŭstanaŭlivaje kantakt z rodnymi zahinułaha.
«Z metaj zabieśpiačeńnia niaŭchilnaści adkaznaści krainy-ahresara, kožnaje vajennaje złačynstva staranna dakumientujecca, a adpaviednaja infarmacyja pieradajecca ŭ mižnarodnyja pravavyja instytuty», — havorycca ŭ paviedamleńni ŭpaŭnavažanaha.
Paviedamleńni ab zabojstvie ŭkrainskich vajennapałonnych rasijskaj armijaj źjaŭlajucca ŭsio čaściej.
Samaje masavaje pazasudovaje pakarańnie adbyłosia ŭ kastryčniku 2024 hoda. Tady armija RF rasstralała 16 ukrainskich vajskoŭcaŭ, jakija zdalisia ŭ pałon kala horada Pakroŭsk u Danieckaj vobłaści.
U kancy studzienia hetaha hoda ambudsmen Dźmitro Łubiniec raspaŭsiudziŭ infarmacyju ab tym, što rasijanie žorstka zabili pa mienšaj miery šaściarych ukrainskich biazzbrojnych vajennapałonnych.
Manitorynhavaja misija AAN pa pravach čałavieka va Ukrainie z kanca žniŭnia 2024 hoda zafiksavała 79 pazasudovych pakarańniaŭ śmierciu ŭkrainskich vajennapałonnych u 24 asobnych incydentach. Pra heta havorycca ŭ zajavie ad 3 lutaha 2025 hoda.
Łubiniec u kastryčniku 2024-ha paviedamlaŭ, što Ukraina zafiksavała bolš za 100 vypadkaŭ, kali rasiejskija žaŭniery rasstrelvajuć ukrainskich vajskoŭcaŭ.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary