U Vilni za apahańvańnie miemaryjała achviaram represij u Biełarusi sudziać prarasijskaha błohiera
Pra sudovy praces nad prarasijskim błohieram Łaŭrynasam Rahielskisam piša «Pozirk» na padstavie paviedamleńnia partała 15min.lt. Sprava razhladajecca ŭ Vilenskim akruhovym sudzie, mužčynu abvinavačvajuć u «padbuchtorvańni» i «apahańvańni pamiatnaha miesca».
Pa materyjałach spravy, u 2020 hodzie Rahielskis sprabavaŭ razburyć miemaryjał achviaram palityčnych represij u Biełarusi, zbudavany ŭ Vilni kala budynka biełaruskaj ambasady. Jak udakładniaje miedyja, jon «sabraŭ u sumku i vykinuŭ» ustanoŭlenyja kala dypłamatyčnaj misii partrety biełarusaŭ, śmierć jakich źviazvajuć z palityčnym pieraśledam z boku režymu Alaksandra Łukašenki (na miemaryjale ŭstalavanyja partrety Hienadzia Karpienki, Viktara Hančara, Dźmitryja Zavadskaha, Ramana Bandarenki, Vitolda Ašurka, Mikity Kryŭcova i inš.).
Padčas sudovaha pasiadžeńnia 3 lutaha błohier nazvaŭ zahinułych u 2020 hodzie biełaruskich aktyvistaŭ «udzielnikami dziaržaŭnaha pieravarotu». «Zakony dla ich nie pisanyja, a zaviałyja kvietki — śmiećcie», — zajaviŭ Rahielskis.
Taksama jaho abvinavačvajuć u prajavach antysiemityzmu.
Pakazańni ŭ sudzie błohier daje na ruskaj movie, pry hetym sa svaim advakatam razmaŭlaje pa-litoŭsku.
Łaŭrynas Rahielskis z 2020 hoda čas ad času vystupaje ŭ biełaruskich dziaržaŭnych ŚMI, padčas čaho ŭ abraźlivaj formie adhukajecca pra apanientaŭ Łukašenki.
Miemaryjał kala biełaruskaj ambasady ŭ Vilni Rahielskis sprabavaŭ razburyć u kastryčniku 2020 hoda. U dačynieńni da jaho była raspačataja sprava ab «raspalvańni varožaści»i «apahańvańni pamiatnaha miesca». Sudovy praces pa spravie pačaŭsia ŭ žniŭni 2022 hoda.
Taksama vilenski miemaryjał achviaram represij u Biełarusi sprabavali razburyć jašče niekalki razoŭ.
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ54
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1717
Kamientary
Potomu čto znajet, čto nifiha sieŕjeznoho dla nieho nie budiet. Etov Biełarusi za komient ili łajk dajut 3 hoda, za sryv fłaha 6 let. A etot v Litvie otdiełajetsia štrafom i kakimi-nibuż obŝiestviennymi rabotami.