U Vilni spalili aŭtamabil prarasijskaha aktyvista, jaki ŭ svoj čas čaplaŭsia da biełarusaŭ
U noč na piatnicu ŭ Vilni byŭ padpaleny aŭtamabil «Krajśler», jaki naležyć siamji prarasijskaha aktyvista Łaŭrynasa Rahielskisa, piša Delfi.
Paviedamleńnie ab padpalenym na vuł. Subačaŭs aŭtamabili pažarnyja atrymali ŭ 02.13 č. U palicyju patelefanavała žančyna, jakuju abudziła połymia za aknom.
«Žančyna ŭbačyła, što haryć aŭtamabil jaje siamji», — raskzała pradstaŭnica palicyi Julija Samarakoŭskaja.
«Kali pryjechali pažarnyja, z-pad kapota «Krajśler Vojadžer» išoŭ dym, raspłaviłasia piaredniaja častka.
Rabotnica Staroha vilenskaha teatra Inhryda Rahielskienie ŭ fejsbuku napisała, što heta jaje aŭtamabil.
«Hetaj nočču ja zastałasia žyvaja. Vypadkovaść — žyvaja, nie zhareła i maja siamja. Jany paśpieli padpalić tolki našu mašynu, jakaja stajała pad aknom kvatery», — pisała jana.
«Uźnikaje pytańnie — za što? Elemientarna, heta kłasičny sposab u Litvie i ŭ blizkim zamiežžy — ahniom karać usich, paznačanych jak «vata». Za što čałavieka, jaki łajalny krainie, narodu, jaki vykonvaje ŭsie normy marali, jaki pavažaje i jaki pryznaje svabody cyvilizavanaha śvietu robiać adščapiencam, vatnikam? Faktyčna dastatkova taho, kab vaš člen siamji kaliści, hadoŭ siem tamu byŭ zhadany ŭ niejkim dakumiencie z pahrozami nacbiaśpieki. Potym štohod Dziaržaŭnaja słužba biaśpieki ŭ svajoj spravazdačy zhadvaje jaho i faktyčna źniščaje čałavieka», — napisała Rahielskienie.
Łaŭrynas Rahielskis viadomy svaimi prarasijskimi pohladami i santymientam da Łukašenki. U žniŭni 2022 hoda jon paŭstaŭ pierad sudom pa abvinavačvańni ŭ raspalvańni varožaści i apahańvańni miemaryjała ŭ pamiać ab achviarach biełaruskaha pratestu.
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali12
Kamientary