U Polščy ŭkrainski kiroŭca aŭtobusa schavaŭsia siarod pasažyraŭ, a na svajo miesca chutka pasadziŭ biełarusa
Pad Čanstachovaj transpartnyja inśpiektary spynili dla pravierki aŭtobus, jaki jechaŭ z Varšavy.
Za rulom akazaŭsia biełaruski kiroŭca, ale kantralory vyjavili, što jon zaniaŭ hetaje miesca ŭsiaho niekalki chvilin tamu. Uvieś astatni čas aŭtobusam kiravaŭ zusim inšy čałaviek, jaki padčas pravierki pavodziŭ siabie jak zvyčajny pasažyr, piša Most.
Pra hety vypadak raspaviali ŭ transpartnaj inśpiekcyi Katavicaŭ.
Kali kiroŭca zajmaje miesca za rulom, jon pavinien ustavić svaju kartu ŭ tachohraf. Pa hetych danych inśpiektary i vyśvietlili, što biełarus pryniaŭ na siabie kiravańnie tolki tady, kali zaŭvažyŭ kantrolny punkt. Akramia taho, inśpiektary zaŭvažyli, što mužčyna mocna niervujecca.
Rašyli apytać pasažyraŭ — i tak vyśvietliłasia, što z Varšavy rejs vioŭ zusim inšy čałaviek — hramadzianin Ukrainy, a biełarus bolšuju častku šlachu znachodziŭsia ŭ sałonie. Spynieny kiroŭca ciapier siadzieŭ niekalkimi šerahami dalej, vydajučy siabie za zvyčajnaha pasažyra. Vidavočna, naparniki vyrašyli, što inśpiektary nie buduć raźbiracca ŭ situacyi.
Pakolki tachohraf nie pakazvaŭ projdzienaj adlehłaści abo chutkaści kiroŭcy, inśpiektary adabrali ŭ biełarusa pravy, a taksama chacieli pryznačyć štraf. Ale toj nie pahadziŭsia, miarkujučy, što za čas znachodžańnia za rulom nie parušyŭ praviły. Tady kiroŭcu aryštavali i dastavili ŭ sud, jaki prysudziŭ jamu štraf u pamiery 1800 złotych (450 dalaraŭ).
Akramia taho, inśpiektary pravierać i pracadaŭcu kiroŭcaŭ — polskuju transpartnuju kampaniju. Jaje mohuć aštrafavać na 5000 złotych (1250 dalaraŭ).
Kiroŭcy davoli časta sprabujuć schavać realny čas, jaki pravodziać za rulom. Sprava ŭ tym, što ŭ Jeŭropie dziejničajuć vielmi strohija normy pracy i adpačynku kiroŭcaŭ. Ale mnohija pieravyšajuć dapuščalny čas pracy, a pracadaŭcy cisnuć na supracoŭnikaŭ, kab tyja vykonvali bolš rejsaŭ. Taksama adsutnaść zapisaŭ tachohrafa dazvalaje schavać parušeńni praviłaŭ, takija jak pieravyšeńnie chutkaści abo rezkaje tarmažeńnie.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje2
Kamientary