Kiraŭnik Dziarždepartamienta ZŠA taksama parazmaŭlaŭ z kiraŭnikami MZS Vialikabrytanii, Hiermanii i Francyi.
Dziaržaŭny sakratar Marka Rubia ŭ aŭtorak abmierkavaŭ prablemy hłabalnaj palityki z kiraŭnicaj zamiežnapalityčnaha viedamstva ES Kajaj Kałas, piša «Hołas Amieryki».
«My abmierkavali hłabalnyja pytańni, u jakich ES i ZŠA majuć adnolkavyja intaresy, uklučajučy vajnu Rasii suprać Ukrainy, złamysny ŭpłyŭ Irana i vykliki, jakija sychodziać ad Kitaja», — skazała Kałas, dadaŭšy, što «ES i ZŠA zaŭsiody macniejšyja razam» i što jana z «nieciarpieńniem čakaje chutkaj sustrečy» z kiraŭnikom Dziarždepartamienta.
Aficyjny pradstaŭnik ES, jaki razmaŭlaŭ na ŭmovach ananimnaści, paviedamiŭ, što razmova Rubia i Kałas pieravažna tyčyłasia ahulnych palityčnych pryjarytetaŭ.
«Jany pahadzilisia ź nieabchodnaściu zachavańnia maksimalnaha cisku na Maskvu z metaj prasoŭvańnia da spraviadlivaha i ŭstojlivaha miru va Ukrainie», — skazaŭ pradstaŭnik ES, dadaŭšy, što taksama abmiarkoŭvałasia destabilizujučaja dziejnaść Irana i palityčny pierachod u Siryi.
Nahadajem, što prezident Donald Tramp zapatrabavaŭ, kab krainy NATO vydatkavali na abaronu 5% svajho vałavoha ŭnutranaha praduktu (VUP).
Kałas «padkreśliła rost jeŭrapiejskich inviestycyj u abaronu i jaje hatoŭnaść uziać na siabie bolš adkaznaści, a taksama značeńnie dyviersifikacyi pastavak enierhanośbitaŭ», adznačajecca ŭ aficyjnym paviedamleńni ES.
-
Miedyja z televizijnaha puła Biełaha doma padtrymali telekanał CNN u kanflikcie z Trampam. Nie zastaŭsia ŭbaku i Fox News
-
Śpiavačka Łalita na kancercie maciuknułasia prosta ŭ mikrafon, kali prylacieli ŭkrainskija drony VIDEA
-
Tramp nie paviedamlaŭ Litvie pra namier zaklučyć z Łukašenkam pahadnieńnie pa ŭhnajeńniach
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary