Ciapier pytańnie stvareńnia piataha mabilnaha apieratara ŭ Biełarusi nie razhladajecca. Pra heta paviedamili ŭ Ministerstvie suviazi i infarmatyzacyi.
Adkazvajučy na pytańnie ab metazhodnaści stvareńnia novaha mabilnaha apieratara i pryciahnieńnia dla hetaha zamiežnaha kapitału, pradstaŭniki Minsuviazi adznačyli, što pakul u hetym niama nieabchodnaści i pierahavory z zamiežnymi kampanijami pa takim pytańni nie viaducca.
Raniej u čas vizitu ŭ Aman biełaruskaj parłamienckaj delehacyi staršynia Dziaržaŭnaha kamiteta pa navucy i technałohijach Biełarusi Ihar Vojtaŭ paviedamiŭ ab tym, što amanskija biźniesmieny, jakija pracujuć u śfiery telekamunikacyj, zacikaŭleny invieściravać u Biełaruś. «Ich cikavić pytańnie, źviazanaje z mahčymym stvareńniem novych apierataraŭ suviazi ŭ našaj respublicy. Takija prapanovy taksama treba razhladać. Čym bolš budzie kampanij na rynku, tym vyšej kankurencyja i nižej ceny na pasłuhi», — skazaŭ jon, udakładniŭšy, što razmova moža iści ab stvareńni jak apieratara mabilnaj suviazi, tak i pravajdera internet‑pasłuh.
Ciapier na terytoryi Biełarusi pracujuć 4 mabilnyja apieratary, 3 ź jakich pradstaŭleny na rynku GSM‑suviazi. Apieratar Diallog pradastaŭlaje klijentam pasłuhi pa technałohii EV‑DO. U listapadzie 2009 hoda apieratar life:) pieršym u Biełarusi zapuściŭ 3G‑sietku. U bližejšyja miesiacy sietki treciaha pakaleńnia na bazie standartu UMTS pavinny zapuścić velcom i MTS.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary