Na «Jeŭrabačańnie» ad Izraila pajedzie dziaŭčyna, jakaja vyžyła padčas napadu CHAMAS na fiestyval Nova
Izrail na konkursie «Jeŭrabačańnie» ŭ hetym hodzie budzie pradstaŭlać śpiavačka Juval Rafael. Jana cudam vyžyła padčas napadu terarystaŭ CHAMAS na muzyčny fiestyval Nova 7 kastryčnika 2023 hoda.
24-hadovaja śpiavačka vyjhrała konkurs «Nastupnaja zorka», pieramožca jakoha jedzie na «Jeŭrabačańnie».
«Ja nie mahu vykazać, nakolki ja ŭschvalavanaja i hatovaja! Dziakuj vam za toje, što akazali mnie hety vialiki honar i davieryli pradstaŭlać maju krainu na hrandyjoznaj scenie «Jeŭrabačańnia» ŭ Šviejcaryi», — zajaviła jana.
Pieśnia Rafael na konkursie pakul nie viadomaja.
7 kastryčnika 2023 hoda Rafael była na fiestyvali Nova, na jaki napali terarysty CHAMAS. Jana razam ź niekalkimi dziasiatkami čałaviek chavałasia ŭ bambaschoviščy pobač ź miescam praviadzieńnia fiestyvalu.
U bambaschoviščy chavalisia kala 50 čałaviek, tolki 12 ź ich vyžyli. Rafael kala vaśmi hadzin pralažała pad ciełam adnoj z zahinułych. «Ja nie mahu pieradać słovami ciažar miortvaha cieła», — kazała jana.
Konkurs «Jeŭrabačańnie» projdzie ŭ 2025 hodzie ŭ šviejcarskim Bazeli.
Kamientary