U Rymie źjaviŭsia płakat u padtrymku Alaksandra Łukašenki, paviedamlaje Narodnaja ambasada Biełarusi ŭ Italii. Na hetym ža miescy ŭ 2022 hodzie byŭ płakat z Benita Musalini.
Na płakacie sa zdymkam Alaksandra Łukašenki napisana «Italjanski narod — ź lehitymnym prezidentam Biełarusi Łukašenkam».
Narodnaja ambasada Biełarusi ŭ Italii raskazała Biełsatu, što, chutčej za ŭsio, heta zrabili kamunisty ci pracaŭniki biełaruskaha MZS u Italii.
«Parłamienckaja hrupa «Za demakratyčnuju Biełaruś» užo ŭ kursie, padadzienaja zajava ŭ miascovuju antyterarystyčnuju palicyju. Taksama my rychtujem listy ŭ meryju», — adznačaje Narodnaja ambasada Biełarusi ŭ Italii.
Na zdareńnie źviarnuŭ uvahu i telehram-kanał, jaki nieaficyjna źviazany MZS Biełarusi. Nibyta takim čynam «šyrycca «Marafon adzinstva»», to bok sieryja prapahandysckich zachadaŭ u Biełarusi na padtrymańnie Łukašenki.
«U 2022 hodzie tut źjaviłasia vyjava Musalini, a ciapier — Łukašenki z podpisam pra «lehitymnaha prezidenta Biełarusi». Znajdzicie dva adroźnieńni!
Vidavočna, što inicyjatyva naležyć nie horadu, a peŭnym radykalnym hrupoŭkam. Jany sprabujuć pieraŭtvaryć hramadskuju prastoru ŭ «halereju dyktatur», — miarkuje Narodnaja ambasada Biełarusi.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary