Volha Łojka: Na pieramovach pa Ukrainie ad Biełarusi mahli b być Łukašenka i Bialacki
U novym vypusku niadzielnaha analityčnaha vypusku TOKu z ekanamičnaj ahladalnicaj i hałoŭnaj redaktarkaj «Płana B» Volhaj Łojka siarod inšaha abmiarkoŭvałasia pytańnie roli Biełarusi ŭ budučych pieramovach pamiž Ukrainaj i Rasijaj.
Razvažajučy pra pierśpiektyvy budučych pieramoŭ pa Ukrainie, Volha Łojka zaŭvažyła, što jaje, jak i bolšaść naziralnikaŭ pužaje, što heta buduć pieramovy tolki pamiž Rasijaj i ZŠA.
«Ja vielmi spadziajusia, što hetaha nie budzie. [Spadziajusia], tam budzie Jeŭrasajuz, dzie ŭsio, ułasna i adbyvajecca, dzie patrebny harantyi biaśpieki šmat jakim krainam. Ja spadziajusia, što Jeŭrasajuz budzie aktyŭnym udzielnikam».
Łojka ličyć, što dla zachavańnia subjektnaści Biełarusi važna, kab intaresy Biełarusi na budučych pieramovach byli pradstaŭleny. Heta moža być i niechta z struktur Jeŭrasajuza, jak prapanoŭvaje Valeryj Kavaleŭski, ale jość i inšy varyjant.
«Kali tam za adnym stałom, dapuścim, buduć ad Biełarusi [palitviazień, kiraŭnik pravaabarončaha centru «Viasna», łaŭreat Nobieleŭskaj premii miru Aleś] Bialacki i Łukašenka, jak by dziŭna nie vyhladaŭ hety tandem, heta budzie važna dla Biełarusi».
«Ciapier Aleś Bialacki dla Łukašenki byŭ by karyśniej za MZS i dźvie traciny administracyi razam uziatyja», —
ličyć ahladalnica i tłumačyć, što Bialacki — «čałaviek, u jakoha jość asabistaja subjektnaść, jaki moh by, jak kaliści Makiej ci [pamierły staršynia Biełaruskaha Chielsinkskaha kamiteta] Aleh Hułak (…) pradstaŭlać Biełaruś».
«Tamu b ja na miescy Łukašenki ciapier mocna padumała ab tym, što vielmi važna zachavać hetych niekalki ludziej, u jakich jość asabistaja subjektnaść. U tym liku dla papadańnia jaho samoha ci niejkaha ź jaho kamandy za hety stoł pieramoŭ. Kab tudy patrapić, Łukašenku treba budzie adnaznačna dakazać usiamu śvietu, što ludziej jon bolš nie jeść. Jamu treba ŭsich pakazać. Pažadana, usim prabačyć».
Pa słovach Łojki, dla ŭnutranaj aŭdytoryi heta moža być pradstaŭlena tak, jak zručna ŭładam — «jak prabačeńnie, jak uźjadnańnie nacyi».
Hladzicie całkam:
Kavaleŭski: Intaresy Biełarusi ŭ mirnych pieramovach pa Ukrainie nielha ihnaravać
A moža, usio ž varta, kab Łukašenka ŭdzielničaŭ u pieramovach pa Ukrainie?
Admova ad NATO i 20% terytoryi Ukrainy: Stała viadoma pra ŭmovy Pucina na pieramovach
Paźniak hatovy razam z Usavym udzielničać u pieramovach nakont Ukrainy. Aby nie Cichanoŭskaja
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy28
Kamientary
Kali isnavał mit" ab kaštoŭnaściach$€" illuzija mocy adzinstva t.zv " zachodniaha śvieta" i žadańnie źmieńvacca u siesiesier Harbačova ci ni zdolnaść supraćstajać.
Zaraz dźla Biełarusi pakul znoŭ jak " U tumanie" .. i ni tolki dźla Biełarusi
Ni ŭsie ale šmat zaležyć ad " vybara narota ZŠA"))) persony n jakuju abrali...
Chutka " tuman" pačnie ci pavialičvacca ci źnikać
Jakoje " zaŭtra nadvorje u Vašynhtonie" mahnitnych bur nima ..vyuchaŭ na Soncie...
Heta taksama pryjdziecca brać da viedama....