Upraŭleńnie ŭnutranych spraŭ Homielskaj vobłaści abjaviła ŭ vyšuk rasijskaha žurnalista Illu Daŭlatčyna pa abvinavačańni ŭ sadziejničańni «ekstremizmu». U kancy 2024 hoda jaho abjavili ŭ vyšuk u Rasii.
Jak paviedamiŭ telehram-kanał «Možiem objaśniť», jaki źviazany ź Illoj Daŭlatčynym, adpaviednuju daviedku žurnalisty atrymali ź Ministerstva ŭnutranych spraŭ Rasii.
«Pavodle pravił Sajuznaj dziaržavy, pry zaviedzieńni spravy ŭ Biełarusi fihurant aŭtamatyčna traplaje ŭ bazu vyšuku ŭ Rasijskaj Fiederacyi. U daviedcy adznačajecca, što ŭ vyšuk jaho abjaviła 25 listapada 2024 hoda UUS Homielskaj vobłaści pa artykule 361-4 č. 2 KK RB — «Sadziejničańnie ekstremisckaj dziejnaści hrupaj asob pavodle papiaredniaj zmovy», pavodle jakoha pahražaje termin ad 3 da 7 hadoŭ pazbaŭleńnia voli», — adznačajecca ŭ paviedamleńni.
U toj ža čas pra vyšuk Daŭlatčyna spačatku stała viadoma ŭ Rasii, ale tady žurnalist kazaŭ, što ničoha nie viedaje pra kryminalnuju spravu. U listapadzie 2023-ha Miniust Rasii abjaviŭ jaho «zamiežnym ahientam». Paźniej stała viadoma, što sud u Vialikim Noŭharadzie pryznačyŭ žurnalistu štraf u pamiery 30 tysiač rubloŭ.
Pryčynaj dla kryminalnaha pieraśledu staŭ udzieł rasijskaha žurnalista ŭ adnoj z prahram telekanała «Biełsat», jaki ŭ Biełarusi pryznali «ekstremisckim farmiravańniem», a ŭ Rasii — «niepažadanaj arhanizacyjaj». Illa Daŭlatčyn nie źjaŭlajecca hramadzianinam Biełarusi, a ŭ bazie vyšuku MUS Biełarusi jaho proźvišča adsutničaje.
Illa Daŭlatčyn — žurnalist-rasśledavalnik i viadoŭca štotydniovaj prahramy «Možiem objaśniť». U roznyja hady jon supracoŭničaŭ z hazietaj «Sobiesiednik», vydańniem «Viorstka», infarmahienctvam «Rosbałt», telekanałam «Dožd́».
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary