Kiraŭnik francuzskaha MZS: Jeŭrasajuz nie dazvolić nikomu ŭvarvacca ŭ Hrenłandyju
Ministr zamiežnych spraŭ Francyi Žan-Nael Baro zajaviŭ, što Jeŭrasajuz nie dapuścić uvarvańnia ŭ svaje miežy z boku inšych krain, kim by jany ni byli, piša Radyjo Svaboda.
Tak palityk prakamientavaŭ na prośbu žurnalista admovu abranaha prezidenta ZŠA Donalda Trampa vyklučyć prymianieńnie siły ŭ pytańni z nabyćciom Hrenłandyi. Tramp niekalki razoŭ zajaŭlaŭ pra žadańnie nabyć Hrenłandyju ŭ Danii, nazvaŭšy jaje «absalutna nieabchodnaj» dla amierykanskaj biaśpieki. Danija admaŭlaje mahčymaść takoj ździełki.
Na pres-kanfierencyi 7 studzienia ŭ abranaha prezidenta ZŠA spytali, ci vyklučaje jon prymianieńnie ekanamičnaha abo vajennaha prymusu dla vyrašeńnia hetaha pytańnia. Jon admoviŭsia paćvierdzić, što heta niemahčyma.
Francuzski ministr dadaŭ, što nie ličyć, što ZŠA nasamreč źbirajucca ŭvarvacca na vostraŭ. «Kali vy pytajeciesia ŭ mianie, ci dumaju ja, što Złučanyja Štaty ŭvarvucca ŭ Hrenłandyju, moj adkaz — nie. Ale ci ŭvajšli my ŭ pieryjad, kali vyžyvaje najmacniejšy? Moj adkaz — tak», — skazaŭ Baro.
Baro kamientavaŭ słovy Trampa dla «Radyjo Frans». «Hrenłandyja — aŭtanomija Danii i źjaŭlajecca terytoryjaj ES. Nie moža być i razmovy pra toje, kab ES dazvoliŭ jakoj-niebudź inšaj krainie ŭ śviecie atakavać svaje suvierennyja miežy», — zajaviŭ jon.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary