Zialenski raspavioŭ, jak damahaŭsia abarony ad padpisantaŭ Budapiešckaha miemarandumu. «Im było poch*ru na Ukrainu»
Prezident Ukrainy Uładzimir Zialenski daŭ intervju amierykanskamu błohieru i padkastaru Leksu Frydmanu, u jakim uspomniŭ pieršyja dni poŭnamaštabnaj vajny, Alaksanda Łukašenku i padzialiŭsia svaimi dumkami ab šlachach dasiahnieńnia miru.
Na pytańnie ab pierśpiektyvach pieramirja z Rasijaj Zialenski pryhadaŭ historyju 2019 hoda, kali jon damoviŭsia z Pucinym ab pieramirji na Danbasie, ale Rasija jaho praź miesiac parušyła.
«Jany pačali nas zabivać dzieści praź miesiac. Ja patelefanavaŭ jamu i skazaŭ, što my ž damovilisia ab ceasefire (poŭnaje spynieńnie ahniu. — Red). U nas ža jość — heta ž nie papierka ŭ prybiralni, heta surjoznaja historyja byccam by», — skazaŭ prezident Ukrainy.
Na pytańnie Frydmana ab tym, ci zmoža Zialenski sustrecca ŭ studzieni z Trampam i Pucinym utroch, kab padpisać damovu ab miry z harantyjami biaśpieki, ukrainski prezident skazaŭ, što spačatku choča sustrecca tolki z Trampam.
«Ja dumaju, 25 studzienia ci ŭ inšy dzień, my sadzimsia najpierš z Trampam. My damaŭlajemsia, jak my možam spynić vajnu i Pucina. I my z Trampam damovimsia. I kali jon prapanuje mocnyja harantyi biaśpieki, to paśla hetaha moža być užo razmova z rasijanami. I tolki tak, a nie prosta adrazu sieli ŭtroch», — skazaŭ prezident Ukrainy.
«Jak tolki Tramp pojdzie na spynieńnie ahniu biez surjoznych harantyj biaśpieki dla Ukrainy, jon daść pas Pucinu. Jon hetaha nie choča, ale jon daść pas mahčymaści Pucinu», — skazaŭ ukrainski prezident.
Havoračy ab harantyjach biaśpieki, Zialenski nahadaŭ ab Budapiešckim miemarandumie, jaki byŭ zaklikany abaraniać krainu ŭ abmien na admovu ad jadziernaj zbroi.
«U Budapiešckim miemarandumie byli harantyi biaśpieki dla Ukrainy. Spačatku try hałoŭnyja haranty biaśpieki dla Ukrainy, try stratehičnyja siabry i partniory Ukrainy — ZŠA, Rasija, Vialikabrytanija. Francyja i Kitaj dałučylisia. Było piać dziaržaŭ. Heta ciapier my razumiejem, što heta nijakija nie harantyi biaśpieki», — skazaŭ Zialenski.
Pavodle jaho słoŭ, paśla akupacyi častki Danbasa i Kryma Ukraina adpraŭlała na praciahu niekalkich hadoŭ listy ŭsim členam Budapiešckaha miemaranduma.
«Što napisana ŭ miemarandumie? Kansultacyi, Ukraina pravodzić kansultacyi, kali parušana jaje terytaryjalnaja cełasnaść. I ŭsie pavinny być na kansultacyjach, usie pavinny pryjechać, pavinny sustrecca terminova — Amieryka, Brytanija, Rasija, Francyja, Kitaj. Niechta pryjechaŭ? Nie. Chtości adkazaŭ na hetyja listy aficyjnyja? Chtości kansultacyi pravioŭ? Nie. Čamu? Dy pach*ru. Heta ž zrazumieła na ruskaj? Voś jak na ruskaj było pach*ru, tak i ŭsim astatnim harantam było pach*ru na hetuju krainu, na hetych ludziej, na hetyja harantyi biaśpieki», — skazaŭ Zialenski.
Jon adznačyŭ, što Ukrainie dla spynieńnia vajny patrebny nadziejnyja harantyi biaśpieki nie tolki na papiery.
Zialenski: Łukašenka prapanoŭvaŭ mnie stuknuć pa Mazyrskim NPZ, ja jamu kažu: «Što ty havoryš?»
Zialenski raspavioŭ, kali adbuducca vybary va Ukrainie
Zialenski ŭ navahodnim zvarocie: Ja ŭpeŭnieny, pryjdzie dzień, kali my skažam «Žyvie Biełaruś!»
FT sprahnazavała zaklučeńnie miru pamiž Rasijaj i Ukrainaj u 2025 hodzie
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu14
Kamientary
A to tut čuju, a tut nie čuju.