Žycharu Mazyrskaha rajona dali pažyćciovaje za žorstkaje zabojstva susiedskaj pažyłoj pary
Homielski abłasny sud vynies prysud u dačynieńni da 36-hadovaha žychara Mazyrskaha rajona, jaki pryznany vinavatym u zabojstvie dvaich piensijanieraŭ, kradziažy i padpale, piša «Homielskaja praŭda».
Pa materyjałach spravy, abvinavačany pražyvaŭ pa susiedstvie z paciarpiełymi mužam i žonkaj. Naprykancy lutaha jon pazyčyŭ u piensijanierki 3000 rasijskich rubloŭ (kala 30 dalaraŭ), paabiacaŭšy viarnuć praź niekalki dzion. Ranicaj 4 sakavika mužčyna pryjšoŭ da susiedki, kab paprasić adterminoŭku, bo hrošaj u jaho nie było. Padčas razmovy žančyna aburyłasia.
Susied schapiŭ mietaličny šuflik i niekalki razoŭ udaryŭ im piensijanierku pa hałavie i tułavie. Jon taksama biŭ jaje nahami i inšymi pradmietami. Usiaho nanios žančynie nie mienš za 11 udaraŭ. Na kryki z pakoja vyjšaŭ muž na jakoha mužčyna taksama napaŭ.
Kali piensijaniery pierastali padavać prykmiety žyćcia, abvinavačany abšukaŭ dom i vykraŭ kašalok z 6000 rasijskich rubloŭ, 105 dalarami i 10 biełaruskimi rublami. Kab źniščyć ślady złačynstva, jon padpaliŭ rečy ŭ troch pakojach i syšoŭ.
Ekśpiertyza pakazała, što žančyna pamierła na miescy ad atrymanych traŭmaŭ, a jaje muž zahinuŭ ad atručeńnia čadnym hazam. Pažaram było źniščana i paškodžana majomaść paciarpiełych.
Abvinavačanamu pryznačana pakarańnie ŭ vyhladzie pažyćciovaha źniavoleńnia ŭ kałonii asablivaha režymu.
Kamientary