U Minsku adkryŭsia jašče adzin kinateatr — za 20 mietraŭ ad mietro i z šezłonhami
U kompleksie Prizma na stancyi mietro «Partyzanskaja» ŭ Minsku zapracavaŭ vialiki kinateatr na 267 hledačoŭ. Unutry try zały z kresłami-transformierami i lažačymi miescami, łaundž-zona i kinabar z papkornam i napojami.
Ceny na kvitki — ad 11 rubloŭ, piša «Anłajnier».
Kinateatr Prizma Cinema raźmiaściŭsia na trecim paviersie šmatfunkcyjanalnaha kompleksu. Jaho płošča pieravyšaje 900 «kvadrataŭ». Prastory chapiła na try kinazały z futurystyčnym dyzajnam i kresłami roznych farmataŭ. Pobač znachodziacca siamiejna-zabaŭlalny park i fud-kort.
Pieršaja zała źmiaščaje 44 hledačoŭ. Dla ich ustanoŭleny kresły-šezłonhi, kab hladzieć filmy ležačy. Radami vyšej raźmieščany kresły-rekłajniery z rehulavańniem i indyvidualnymi stolikami. Praduhledžany i tak zvanyja łaŭsity (love seats) — zdvojenyja kresły dla paračak ź indyvidualnymi naładami i stolikami.
U druhoj zale praduhledžana 101 miesca, u treciaj — 122. Unutry kresły z adkidnoj śpinkaj i padšklankam. Praduhledžany i kresły padvyšanaj kamfortnaści dla tych, chto chodzić u kino parami.
Ceny na kvitki — ad 11 rubloŭ. Miescy na šezłonhach daražejšyja — ad 20 rubloŭ.
Prizma Cinema pracuje štodnia z 11 da 23 hadzin.
«Nabirała vadu z unitaznaha bačka dla hatavańnia, myćcia». Hanna Bond ščyra raspaviała pra ciažkaje dziacinstva13
Kamientary