Hramadstva2222

Žyvahłod pryznała rassyłku praz čat-bot «Sumlennych ludziej» karystalnikam u Biełarusi: Ale nie ŭ pracoŭny čas, paśla 18 hadzin

Prapahandysty kpiać z demakratyčnych sił, raskazvajučy, što praz apošniuju rassyłku bota «Sumlennych ludziej» u Biełarusi nibyta zatrymali bolš za dziasiatak čałaviek.

Prapahandysckija i blizkija da siłavikoŭ kanały śćviardžajuć, što bot «Sumlenny vybar», jaki byŭ stvorany ŭ 2022 hodzie, pravioŭ novuju rassyłku: «abviaščeńnie ad bota pryjšło prosta ŭ pracoŭny čas, za heta ŭžo zatrymana bolš za dziasiatak ludziej, jakija praviaduć Novy hod u izalatary».

U kamientary «Našaj Nivie» lidarka «Sumlennych ludziej» Alena Žyvahłod paćvierdziła fakt rassyłki 16 śniežnia, ale nie ŭ pracoŭny čas, a paśla 18-j hadziny.

«16 śniežnia my dasłali paviedamleńnie ŭ bot, kab raspavieści pra «vybary-2025». My aktyvizujem kamunikacyju ŭ bocie «Sumlenny vybar», bo na jaho dobraachvotna padpisalisia tyja, chto hetaj temaj cikavicca. My stvaryli jaho napiaredadni refierendumu-2022. Tam my źbirali realnyja prapanovy pa źmienie Kanstytucyi, tam ža raskazvali pra pracu fejkavych deputataŭ u 2023-m, a taksama pra tak zvanyja parłamienckija i miascovyja vybary ŭ lutym 2024-ha».

Alena kaža, što rassyłku jany praviali z žadańniem «sadziejničać raźvićciu palityčna hramadzianskaj supolnaści ŭ Biełarusi praz hramadzianskuju adukacyju», bo heta zastajecca ich misijaj.

Skrynšot: jutub-kanał «Sumlennych ludziej»

Ale što nakont biaśpieki?

Kantent bota byŭ pryznany «ekstremisckimi materyjałami» ŭ sakaviku 2024-ha, a ŭsia arhanizacyja «Sumlennyja ludzi» atrymała status «ekstremisckaha farmavańnia» jašče raniej — u studzieni 2022 hoda, tamu ŭzajemadziejańnie ź inicyjatyvaj na siońnia niasie kryminalnuju adkaznaść.

«Što tyčycca našaj adkaznaści za kamunikacyju ŭ ekstremisckich kanałach, to dla nas heta sapraŭdy etyčna niaprostaje rašeńnie. Pamiž tym, kab kamunikavać u takich umovach ci nie kamunikavać naohuł, my vybrali pieršaje. Tak, za padpisku na bot «Sumlenny vybar», telehram-kanał i jutub-kanał «Sumlennyja ludzi» moža nastupić adkaznaść pa viersii łukašenkaŭskaha zakanadaŭstva. Ale roŭna jak za padpisku na luboje inšaje niezaležnaje vydańnie ci arhanizacyju. My chočam vieryć, što ludzi prymajuć rašeńnie padpisvacca ci nie, śviadoma, a taksama kłapociacca pra svaju biaśpieku».

Alena dadaje, što, dbajučy pra biaśpieku, jany ŭkaranili technałohiju, jakaja dazvalaje karystalniku pierajmienavać bot «sumlenny vybar» na svoj hust.

«Dla tych, chto choča praciahvać atrymlivać rassyłku, heta robić bot mienš zaŭvažnym u vypadku prahladu telefona siłavikami. Ale kali vy znachodziciesia ŭ Biełarusi i adčuvajecie niebiaśpieku, to vydalicie bot. I zrabicie heta pa instrukcyi. My dasyłali jaje razam z našym paviedamleńniem pra vybary, i jana taksama jość u hałoŭnym mieniu bota pa knopcy «Vydalić akaŭnt».

Skrynšoty mieniu, dzie možna pabačyć knopku «Vydalić akaŭnt».
Važna! Kali vy zajšli ŭ bot (inšymi słovami, prajšli pa spasyłcy i vybrali kamandu /start) i nie nacisnuli knopku «Vyznačyć akruhu», to heta značyć, što vy nie zarehistravalisia ŭ bocie. To bok, vam nie buduć prychodzić nijakija puš-paviedamleńni i vy možacie prosta vydalić pieršaje paviedamleńnie bota «Sumlenny vybar» jak zvyčajny čacik u telehramie. Kali ž vy pačali vyznačać svaju akruhu, to, niezaležna ad taho, skončyli vy hety praces ci nie, vam moža prychodzić puš-rassyłka. U dadzienym vypadku lepiej skončyć rehistracyju, zajści ŭ asabisty kabiniet (asobnaja knopka ŭ hałoŭnym mieniu) i vybrać opcyju «Vydalić akaŭnt», kirujučysia ŭsimi instrukcyjami pa ačystcy śladoŭ.

«Sumlennyja ludzi» dadatkova adznačyli, što im samim nieviadoma pra fakty aryštaŭ u Biełarusi za ich rassyłku.

«My dumajem (i nam tak chočacca vieryć), što paviedamleńni ŭ prarežymnych telehram-kanałach — heta praciah stratehii prapahandy: zapužać usich, chto praciahvaje atrymlivać niezaležnuju infarmacyju ŭ Biełarusi».

Raniej «Naša Niva» taksama publikavała artykuł pra toje, jak pačyścić telehram-boty, kab nie zastałosia nijakich śladoŭ — skarystajciesia hetaj instrukcyjaj, kali heta dla vas aktualna.

Kamientary22

  • jak jany ličuć
    23.12.2024
    čym bolš palitzekaŭ stanie paśla ich "padstaŭ", tym bolš buduć danacić na palitzekaŭ, tym bolš jany z hetych danataŭ pražyvuć u raskošy.
  • FF
    23.12.2024
    Pierakładaju z žyvahłodaŭskaj na čałaviečuju: «Plavać my žadali na biaśpieku biełarusaŭ, kali samim treba spravazdaču pierad hrantadaŭcami trymać»
  • Svabodny čałaviek
    23.12.2024
    Pdmiena, śledam za Azaravym. Što rabić tym, chto pracuje da 19:00?

Ciapier čytajuć

U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26

U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki

Usie naviny →
Usie naviny

Ruskamirnaja aktyvistka Elvira Mirsalimava vinavacić viciebskija ŭłady ŭ «zmaharstvie»5

«Za paŭtara hoda ja pieratvaryłasia ŭ harodninu». Fitnes-trenierka zachvareła na Bali na nieviadomuju chvarobu22

U mahiloŭskim skviery pastavili ekspazicyju z troch mietaličnych šaroŭ FOTY3

Biełaruska paskardziłasia, što ŭ pašparcie jaje dački nie napisali imia tak, jana chacieła — Estelle Thandie13

U Pinsku daždžom zatapiła rynak. Prablema isnuje daŭno, ale nie vyrašajecca1

Na čyhuncy supracoŭnikam admianiajuć nadbaŭki i skaračajuć štaty4

Pamier ekspartu łuninieckaha fiermiera ŭ Rasiju ŭpieršyniu pierasiahnuŭ 10 miljonaŭ dalaraŭ3

Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»8

Pad Minskam mašyna sutyknułasia z matacykłam VIDEA

bolš čytanych navin
bolš łajkanych navin

U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26

U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki

Hałoŭnaje
Usie naviny →

Zaŭvaha:

 

 

 

 

Zakryć Paviedamić