Šrajbman adkazvaje, ci mohuć pieramovy pa Ukrainie prajści ŭ Biełarusi
A taksama — ci moža na ich vyrašacca pytańnie biełaruskich palitviaźniaŭ.
U novym vypusku prahramy «Hadzińničak cikaje» analityk Arciom Šrajbman razvažaje: Biełaruś moža stać miescam pieramoŭ tolki ŭ vypadku kapitulacyi Ukrainy, bo ŭ jaje nie budzie mahčymaści vybirać placoŭku (naprykład, jak było ŭ pačatku vajny, kali nie było zrazumieła, nakolki Ukrainie ŭdasca vystajać).
Ale pry inšych scenarach, kali Ukraina zastajecca dastatkova mocnaj, to jakaja matyvacyja jechać u Biełaruś, zadajecca pytańniem Šrajbman.
«Ty jedzieš prosta na terytoryju svajho voraha pa fakcie. Adroźnieńnie ad 2015 hoda — što Łukašenka straciŭ hetu aŭru niejtralnaści, całkam. Ale i tady byli pytańniečki. I tady byli čutki, što prasłuchoŭka stajała ŭ kabinietach zachodnich i ŭkrainskich delehacyj i pieradavała ŭsio ŭ Rasiju, i ŭ pryncypie byli sumnievy nakont taho, nakolki heta niejtralnaja placoŭka», — kaža analityk.
Taja ž Ankara — bolš prymalny varyjant.
Ale vyrašać asobnyja pytańni — naprykład, vyzvaleńnie vajennapałonnych, viartańnie ŭciekačoŭ — mohuć praź Biełaruś, ličyć Šrajbman.
Ci mohuć biełaruskija palitviaźni stać častkaj pieramoŭ? Składana ŭjavić, što heta buduć abmiarkoŭvać na samich pieramovach, miarkuje Šrajbman. Mahčyma, Łukašenku mohuć pastavić umovu pierad imi — kali chočaš za stoł pieramoŭ, to vypuści palitviaźniaŭ, heta tvoj «uvachodny kvitok».
Ale Šrajbman aścierahajecca, što kali Łukašenku i «praniasuć na pieramovy», to biez umoŭ, i jon tam vyrašyć svaju zadaču — «choć krychu, ale pieraharnuć staronku».
«Jon atrymlivaje zhadku ŭ niejkim tekście mirnych pieramoŭ, jon pasiadzieŭ ź vialikimi ludźmi, jon atrymlivaje niejkaje pierahortvańnie, jon atrymlivaje mienšuju zaškvarnaść paśla — adpaviedna ŭmovy, jakija raniej choć niejak źviazvalisia z pravami čałavieka, spyniajuć ź imi źviazvacca. U krainie narmalizujecca Turkmienistan», — akreślivaje scenar analityk.
Taki farmat, na dumku Šrajbmana, naškodzić Biełarusi.
«Pry ŭsim tym, što my možam atrymać niejki vyvad Rasii ź Biełarusi, niejkaje zamacavańnie statusu-kvo, niepahłybleńnie nas u rasijskuju arbitu, my pry hetym atrymlivajem poŭnuju narmalizacyju taho tryndzieca, jaki adbyvajecca z pravami čałavieka».
Frydman: Usia hetaja rytoryka pra ŭdzieł Łukašenki ŭ pieramovach užo nadakučyła ŭkraincam
Rasijskaje hramadstva choča vajny, pakazvajuć apytańni
Čamu Łukašenka choča ŭziać udzieł u pieramovach pa Ukrainie i jakich harantyj biaśpieki paprosić?
Ukrainskaje MZS paviedamiła, na jakija pieramovy i harantyi Minsk maje prava pretendavać
Kamientary