Pavodle infarmacyi krynic ahienctva Reuters, spynieńnie padačy nafty praz naftapravod «Družba» adbyłosia 19 śniežnia. Prablema była nibyta vyjaŭlenaja na nasosnaj stancyi Unieča ŭ Branskaj vobłaści. Jana ŭvachodzić u lik najbujniejšych u centralnaj Rasii.
Kancern «Biełnaftachim» paćvierdziŭ infarmacyju pra prypynieńnie pastavak nafty pa naftapravodzie «Družba» na biełaruskija NPZ.
Pry hetym tam zajavili, što ŭ krainie «stvoranyja dastatkovyja zapasy dla bieśpierabojnaj pracy NPZ, abodva zavody praciahvajuć svaju stabilnuju pracu, zabiaśpiečvajučy adhruzki naftapraduktaŭ u poŭnym abjomie jak na ŭnutrany rynak, tak i na ekspart».
Z-za pałomki byli parušanyja pastaŭki paliva nie tolki ŭ Biełaruś, ale i krainy Jeŭrasajuza.
Biełaruskija NPZ atrymlivajuć naftu z Rasii pa naftapravodzie «Družba», pa jakim syravina dalej transpartujecca ŭ Jeŭropu. Hetaja nafta, u pryvatnaści, zastajecca asnoŭnaj syravinaj dla naftapierapracoŭčych zavodaŭ kampanii MOL u Vienhryi i Słavakii.
Trubapravod pačynajecca ŭ Samarskaj vobłaści Rasii, prachodzić praz Bransk i dalej razhalinoŭvajecca na dva ŭčastki: paŭnočny i paŭdniovy, prachodzić praź Biełaruś, Ukrainu, Polšču, Čechiju, Słavakiju, Hiermaniju, Vienhryju.
Abjom pastavak nafty Urals pa «Družbie» składaje kala 300 tys. barelaŭ u sutki.
My zdabyli ličby impartu rasijskaj nafty. Ź ich jasna, jak Łukašenka kampiensuje straty ad sankcyj
Łukašenka pryznačyŭ novych kiraŭnikoŭ u «Biełnaftachim» i na «Biełaruśkalij»
Kazachstan značna pavialičyŭ pastaŭki nafty ŭ Hiermaniju praź Biełaruś
Rasija z sakavika pastaviła Paŭnočnaj Karei miljon barelaŭ nafty — heta ŭ 10 razoŭ bolš, čym aficyjna letaś
Ciapier čytajuć
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia23
Kamientary