Siryjskija pravaabaroncy paviedamili pra vyjaŭleńnie masavaha pachavańnia ŭ rajonie El-Kutajfa, raźmieščanaha za 40 kiłamietraŭ na poŭnač ad Damaska. Pavodle ich acenak, tam znachodziacca pareštki šmatlikich achviar praŭleńnia Bašara Asada. Pra heta Reuters raskazaŭ Muaz Mustafa, kiraŭnik arhanizacyi «Siryjskaja apieratyŭnaja hrupa pa nadzvyčajnych situacyjach», jakaja bazujecca ŭ ZŠA.
Pavodle słoŭ Muaza Mustafy, vyjaŭlenaje pachavańnie ŭ El-Kutajfie — tolki adno ź piaci viadomych jamu padobnych miescaŭ.
Bolš za toje, pravaabaronca dapuskaje, što takich «brackich mahił» moža być značna bolš, a siarod achviar, akramia siryjcaŭ, jość hramadzianie inšych krain, uklučajučy ZŠA i Vialikabrytaniju.
Mustafa, jaki prybyŭ u Siryju paśla padzieńnia režymu Asada, zajaviŭ, što za pieramiaščeńnie ciełaŭ da miescaŭ masavych pachavańniaŭ adkazvała siryjskaja vajskovaja raźviedka.
Pavodle jaho słoŭ, cieły zabitych, u tym liku zakatavanych da śmierci ŭ vajskovych špitalach, dastaŭlali da pachavańniaŭ z dapamohaj municypalnaha pachavalnaha biuro Damaska. Supracoŭniki biuro vyhružali cieły z refryžaratarnych hruzavikoŭ, paśla čaho cieły zakopvalisia ŭ ziamlu. Heta stała viadoma z apytańniaŭ śviedkaŭ.
Paśla padzieńnia režymu Asada siryjskija paŭstancy vyzvalili źniavolenych z turmaŭ u Alepa, Chomsie, Chamie i inšych haradach. Siryjskija turmy byli sumna viadomyja svaimi niečałaviečymi ŭmovami ŭtrymańnia. Pravaabaroncy i byłyja źniavolenyja paviedamlali pra katavańni i masavyja zabojstvy va ŭstanovach, jakija znachodzilisia ŭ padparadkavańni siryjskaj raźviedki.
Z 2011 hoda, kali mirnyja pratesty suprać režymu Bašara Asada pieraraśli ŭ hramadzianskuju vajnu, u Siryi zahinuli sotni tysiač čałaviek, nahadvaje Reuters.
Siryja była fabrykaj kaptahonu, «kakainu dla biednych». Paśla padzieńnia režymu stała jasna, dzie jaho vyrablali
Vyjšaŭ na volu livaniec-chryścijanin, jaki pravioŭ u turmach Asada 33 hady. Jaho vykrali siryjskija vajskoŭcy
Z turmy Asada vyzvalili lotčyka, jaki admoviŭsia bambić siryjski horad. Voś jak jon vyhladaje paśla 43 hadoŭ źniavoleńnia FOTA
«Asad paŭ. Nie bojciesia». Jak vyzvalajuć viaźniaŭ sumna viadomych turmaŭ Siryi
«Pieravarot zialonaj pałasy». Čamu novaja ŭłada źmianiła dziaržaŭny ściah Siryi
Siryjskija ŭciekačy masava viartajucca na radzimu paśla źviaržeńnia režymu Bašara Asada
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary