Pałkoŭnik Bułaŭka: Usie hetyja aryšty, pasadki pakazvajuć moc dziaržavy
Svaju pazicyju Anatol Bułaŭka arhumientavaŭ słovami kapitana Žahłova z savieckaha sieryjała.
Na tok-šou «Po suŝiestvu» na STB abmiarkoŭvali biełaruskuju armiju i nastupnyja vybary. Deputat i pałkoŭnik Anatol Bułaŭka apraŭdvaŭ aryšty pa palityčnych matyvach:
«Chaču pracytavać słovy hałoŭnaha hieroja filma «Miesca sustrečy źmianić nielha»: siła dziaržavy vyznačajecca nie najaŭnaściu zładziejaŭ, a zdolnaściu dziaržavy ź imi zmahacca (kali dakładniej, u sieryjale milicyjant Žahłoŭ kazaŭ, što tak vyznačajecca nie siła dziaržavy, a pravaparadak. — NN). Tamu hetyja ŭsie aryšty, pasadki — heta jakraz i pakazvaje moc dziaržavy».
Paśla pałkoŭnik dadaŭ, što pierad vybarami čakaje «drobnyja paskudstvy i pravakacyi».
«Ale kazać pra toje, što da 26 studzienia pojduć tanki na Biełaruś — napeŭna, nie varta pužać ludziej», — spachapiŭsia Bułaŭka.
Treba skazać, što pałkoŭnik Bułaŭka nie pieršy raz na telebačańni cytuje kapitana Žahłova. Arhumient, jaki vyručaje jaho na lubym tok-šou.
Kamientary
Hety "deputat i pałkoŭnik" nie razumieje, što hetyja pasadki pakazvajuć słabaść režymu? Tolik, razumieju, što mała chto z pałkoŭnikaŭ maje mazhi, ale ŭsie ž taki pamyśli, kudy ŭciakać budzieš. Siryja tabie ŭ prykład.