Zialenski admoviŭsia nazvać ličbu ŭkrainskich vajskoŭcaŭ, jakija zahinuli z pačatku vajny
Pry hetym jon admoviŭsia raskryć dakładnuju ličbu.
Uzbrojenyja siły Ukrainy (USU) padčas poŭnamaštabnaj vajny z Rasijaj stracili zahinułymi mienš za 80 tysiač čałaviek, zajaviŭ ukrainski prezident Uładzimir Zialenski, piša Moscow Times.
«Sioj-toj niadaŭna, mnie zdajecca, što ŭ amierykanskaj presie, padaŭ infarmacyju, što ŭkraincaŭ zahinuła 80 tysiač. Ale ja chaču vam skazać, što nie. Mienš. Našmat mienš, našmat», — skazaŭ Zialenski ŭ intervju Kyodo News. Pry hetym jon admoviŭsia raskryć dakładnuju ličbu.
Pra toje, što Ukraina straciła 80 tysiač vajskoŭcaŭ zahinułymi, raniej paviedamili krynicy Wall Street Journal u Kijevie. Pa ich danych, kolkaść paranienych vajskoŭcaŭ dasiahnuła 400 tysiač. U toj ža čas The Economist pryvodziŭ źviestki zachodnich raźviedak, zhodna ź jakimi Ukraina mahła stracić ad 60 da 100 tys. vajskoŭcaŭ zabitymi, a ciažkija ranieńni atrymali kala 400 tys. sałdat.
Pa danych sajta Ua Losses, na 3 śniežnia paćvierdžana hibiel 65289 ukrainskich vajskoŭcaŭ. Siaredni ŭzrost na momant śmierci skłaŭ 38,2 hoda. Realnaja ličba moža być značna vyšejšaj, pakolki na kožnaha zahinułaha prypadaje ad 6 da 8 ciažkaparanienych.
Miž tym, zhodna z acenkaj Pientahona, da listapada ahulnyja straty Rasii skłali 615 tys.: 115 tys. zabitych i 500 tys. paranienych.
Minabarony RF apošni raz raskryvała straty ŭ vieraśni 2022 hoda — 5937 čałaviek. U červieni Uładzimir Pucin zajaŭlaŭ pra straty USU i paraŭnoŭvaŭ ich z rasijskimi. Ź jahonych słoŭ vynikała, što za 27 miesiacaŭ vajny Rasija straciła zabitymi blizu 135 tysiač čałaviek.
-
Da kanca hoda ŭ sieryjnuju vytvorčaść źbirajucca zapuścić biełaruski aŭtamat
-
Biznesmien Zajcaŭ bolš nie choča asacyjavacca ź fiestyvalem «Soncastajańnie»
-
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Kamientary