Pratesty ŭ Hruzii radykalizujucca: na vadamioty adkazvajuć fiejervierkami i kaktejlami Mołatava
U stalicy Hruzii 30 listapada praciahnulisia akcyi pratestu suprać prypynieńnia jeŭraintehracyi. Pry hetym supraćstajańnie pamiž pratestoŭcami i palicyjaj nabyvaje ŭsio bolš žorstki charaktar.
Pavodle danych miascovych ŚMI, u noč na 1 śniežnia na mitynh u stalicy vyjšła samaja vialikaja kolkaść pratestoŭcaŭ za try dni. Pry hetym pratest vidavočna radykalizujecca.
Siłaviki sprabavali, jak zaŭsiody, razahnać ludziej, jakija sabralisia kala parłamienta, vykarystoŭvajučy vadamioty.
Pratestoŭcy, u svaju čarhu, zakidvali palicyju kaktejlami Mołatava, zapalenymi pietardami, stralali fiejervierkami, kidali kamiani i butelki. Na praśpiekcie Rustavieli kala parłamienta byli zbudavanyja niekalki barykad.
Taksama nievialiki pažar uźnik u budynku parłamienta. Adzin z kabinietaŭ zahareŭsia paśla taho, jak tudy zalacieŭ piratechničny vyrab, jakimi apazicyjaniery zakidvali budynak.
MUS Hruzii zajaviła, što «pratest pryniaŭ całkam hvałtoŭny charaktar», tamu jano rychtujecca vykarystać «usie śpiecyjalnyja miery». ŚMI miarkujuć, što słova «ŭsie» aznačaje vierahodnaść prymianieńnia humovych kul, bo vadamioty, ślozatačyvy haz i piarcovy sprej užo vykarystoŭvalisia.
Z-za vykarystanaha palicyjaj hazu mnohija demanstranty i žurnalisty nadzieli reśpiratary.
Tym časam ZŠA zajavili pra prypynieńnie stratehičnaha partniorstva z Hruzijaj. Jak adznačajecca ŭ zajavie Dziarždepartamienta ZŠA, rašeńnie kiroŭnaj partyi «Hruzinskaja mara» prypynić praces ustupleńnia krainy ŭ ES supiarečyć normie, zamacavanaj u jaje kanstytucyi, adnosna poŭnaj intehracyi ŭ Jeŭrasajuz i NATA. Takim čynam ułady adkinuli mahčymaść bolš ciesnych suviaziaŭ ź Jeŭropaj i zrabili Hruziju bolš uraźlivaj dla Kramla. Dziarždep zaklikaŭ hruzinskija ŭłady viarnucca na jeŭraatłantyčny šlach.
Novaja chvala pratestaŭ uźniałasia ŭ Hruzii paśla taho, jak 28 listapada premjer-ministr krainy Iraklij Kabachidze abviaściŭ, što ŭłady vyrašyli da kanca 2028 hoda nie pačynać pieramovy ab ustupleńni Hruzii ŭ Jeŭrasajuz i admovilisia ad lubych jeŭrapiejskich biudžetnych hrantaŭ. Paśla hetaha la budynka parłamienta na praśpiekcie Rustavieli ŭ Tbilisi pačaŭsia stychijny mitynh, pratesty praciahnulisia i ŭ nastupnyja dni. Palicyja žorstka ich razhaniaje, siarod sotniaŭ zatrymanych jość taksama biełarus Jaŭhien Muravicki.
Prezidentka Hruzii abviaściła parłamient nielehitymnym i admaŭlajecca iści ŭ adstaŭku
Padčas pratestaŭ u Hruzii zatrymali biełarusa
Hruzinski premjer abvinavaciŭ jeŭrapiejskich palitykaŭ i «piatuju kałonu» ŭ arhanizacyi pratestaŭ u Tbilisi
U Tbilisi ŭ znak pratestu prypyniŭ pracu restaran, papularny ŭ lidaraŭ «Hruzinskaj mary»
Palicyja znoŭ razahnała mitynh u centry Tbilisi
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary
Śmierť impierii i jejo priśpiešnikam!
No tiepieriešnije ataki na zdanije hruzinskoho parłamienta s kamniami i koktiejlami mołotova i priezidientša Hruzii kotoraja zajavlajet čto nie pokiniet svoj post pośle izbranija novoho priezidienta (t.ie. faktičieski objavlajet o zachvatie vłasti) eto druhoje da?
Darečy, ja miarkuju zvyšterminova zastacca prezydentšaj