U śniežni pačnuć sudzić palitźniavolenuju maci traich niepaŭnaletnich dziaciej
45-hadovaja Viktoryja Damastoj pieršy raz była zatrymana naprykancy studzienia padčas masavaha chapunu supracoŭnikami KDB za praduktovuju dapamohu ad inicyjatyvy INeedHelpBY. Padstavaj stali listy i hrašovyja pieravody palitviaźniam, piša «Viasna».
Ale pad vartu žančynu tady nie ŭziali. Padčas pieratrusu ŭ jaje kanfiskavali techniku i hrošy.
Paśla atrymańnia vynikaŭ ekśpiertyzy techniki, 20 krasavika, Viktoryju źmiaścili pad vartu pavodle piaci artykułaŭ Kryminalnaha kodeksu: art. 130 (raspalvańnie inšaj sacyjalnaj varožaści), art. 367 (paklop na Łukašenku), art. 342 (aktyŭny ŭdzieł u hrupavych dziejańniach, hruba parušajučych hramadski paradak), č. 1 i č. 2 art. 361-4 (sadziejničańnie ekstremisckaj dziejnaści). U Viktoryi troje niepaŭnaletnich dziaciej.
Spravu žančyny pačnuć razhladać 9 śniežnia ŭ Hrodzienskim abłasnym sudzie. Praces budzie vieści sudździa Juryj Kazakievič.
Miesca ŭtrymańnia Viktoryi: Turma № 1. 230023, h. Hrodna, vuł. Kirava, 1, Viktoryja Valancinaŭna Damastoj.
Kamientary