Stryžak: Ułady rychtujuć pravakacyi z udziełam represavanych, skiravanyja na źnižeńnie davieru da «Bajsoła»
Kiraŭnik fondu salidarnaści «Bajsoł» Andrej Stryžak zajaviŭ, što ŭłady rychtujuć pravakacyi z udziełam palitviaźniaŭ i inšych ludziej, jakija paciarpieli ad represij.
Pra rychtavanyja pravakacyi Stryžak napisaŭ u sacsietkach.
Nam stała viadoma što ŭ ramkach kampanii pa padryvie sietki našaj salidarnaści ŭłady rychtujuć sieryju pravakacyj, što musiać źnizić davier da BYSOL, našych słužbaŭ i sistemy ŭzajemapadtrymki całkam.
U pravakacyjach płanujecca zadziejničać pad prymusam i šantažom siemji palitviaźniaŭ, byłych palitviaźniaŭ i inšych ludziej što paciarpieli padčas apošnich atak siłavikoŭ», — havorycca ŭ paviedamleńni.
Stryžak taksama źviarnuŭsia da siłavikoŭ i tych ludziej, kaho jany mohuć pryciahnuć dla pravakacyi.
«Źviartajusia da tych, chto šantažom ci prymusam vymušanyja iści suprać svajho sumleńnia i ŭdzielničać u miantoŭskich śpiektaklach — my viedajem što vy robicie heta nie tamu, što pierajšli na bok zła. I my razumiejem, što takoje situacyja vybaru biez vybaru. Achviara hvałtaŭnika nie robicca brudnaj praz čužyja brudnyja dziejańni. Zachavajcie siabie, svaju psichiku i zdaroŭje».
Što da supracoŭnikaŭ milicyi, to jon havoryć:
«My viedajem pra vašyja płany i razumiejem, što vy chočacie pasiejać strach i niedavier siarod tych, chto atrymlivaje dapamohu i tych, chto jaje akazvaje. Chłuśnia i padman časta hramčejšyja i jarčejšyja za praŭdu, ale ž ludzi hladziać i daviarajuć spravam, a nie vašym pravakacyjam.
To my pracujem dalej, nie zvažajučy na vašaje lazhańnie paščami», — napisaŭ Stryžak.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali10
Kamientary
Počiemu to Bajsołu udałoś pomoċ jemu i jeho sieḿje połučiť VNŽ v Litvie?
A Vieriemiejčik sam vinovat okazałsia.
Što ty tam chavaješ, rodny? Dzie hrošy strajkamaŭcaŭ? Dzie spravazdačnaść pa Marafonu salidarnaści? Chto tabie płocić 3000 jeŭra na miesiac? Čamu ty nie dapamoh Vieramiejčyku z advakatami ŭ Litvie? Čamu ty nie možaš navat adkazać na zakidy svajoj eks-supracoŭnicy Źvieravaj?