Viciebski «Maksłajn» i «Šachcior-2» vyjšli na matč u majkach «Za mirnuju i kvitniejučuju Biełaruś»
U apošniaj chatniaj hulni «Maksłajna» ŭ hetym siezonie kamandy praviali palityčnuju akcyju.
Viciebski «Maksłajn» — adzin ź niamnohich pryvatnych kłubaŭ u čempijanacie Biełarusi. U hetym siezonie źviazany z bukmiekierskaj kantoraj prajekt hulaje ŭ druhim dyvizijonie i irviecca ŭ vyšejšuju lihu.
Pierad važniejšym damašnim matčam pieradapošniaha tura z dublem salihorskaha «Šachciora» ŭ Viciebsku vyrašyli zładzić palityčnuju akcyju. Futbalisty abiedźviuch kamand vyjšli na hulniu ŭ majkach z nadpisami «My za mirnuju i kvitniejučuju Biełaruś» u kolerach dziaržściaha i busłam u vyhladzie hałački — heta adsyłka da vybaraŭ.
Chto inicyjavaŭ hetuju akcyju — kłub ci fiederacyja — nieviadoma.
Zrešty, u inšych matčach tura ničoha padobnaha nie było, što namiakaje na pieršy varyjant. Mabyć, kab zamacavać vynik, siońnia viciebski kłub u sacsietkach apublikavaŭ post z podpisam «Futbolny kłub «Maksłajn» za mirnuju i kvitniejučuju Biełaruś» z fatahrafijami futbalistaŭ u hetych majkach.
«Maksłajn» abyhraŭ «Šachcior-2» ź likam 3:0. Viciablanie za tur da kanca iduć na trecim miescy ŭ pieršaj lizie. U ich stolki ž ačkoŭ, kolki i ŭ «Nivy», ale kamanda z Dołbizna vyšej za košt asabistych sustreč. Pramyja pucioŭki ŭ vyšejšuju lihu atrymajuć dźvie lepšyja kamandy, a treciaja zhulaje ŭ stykavych matčach z «Naftanam» z Navapołacka.
Adnak zavajova pucioŭki ŭ vyšejšuju lihu pa spartovym pryncypie nie aznačaje harantavanaha padvyšeńnia. Kłub pavinien adpaviadać šerahu kryteryjaŭ, u tym liku pa finansach i stadyjonie. Časam rehłamient u rukach fiederacyi futboła stanovicca barjeram dla maładych pryvatnych kłubaŭ, jak heta było z «Krumkačami» i tym ža «Maksłajnam», jaki nie puścili ŭ vyšejšuju lihu pa vynikach pazaminułaha siezona.
Darečy, «Maksłajn» sioleta aktyŭna ładzić roznyja jaskravyja akcyi, u tym liku dabračynnyja. Kamanda, naprykład, dapamahaje prytułkam dla žyvioł: kožny miesiac «Maksłajn» zakuplaje ŭ prytułak korm z raźliku 10 kiłahramaŭ za adzin zabity hoł, a na adnu z hulniaŭ futbalisty vychodzili sa ščaniukami.
Akramia taho, hulcy naviedvali z padarunkami i dziciačyja damy, u tym liku internat dla dzietak z asablivaściami.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary
a
chakieisty dzie?
Ale ciapier viedaćmiem pra hetych hulcoŭ, što jany čyrvona-zialonyja.