«Niadobryja naviny». Šolc raspavioŭ pra svaju telefonnuju razmovu z Pucinym
Kancler Niamieččyny Ołaf Šolc vystupiŭ u abaronu rašeńnia patelefanavać u Kreml, za jakoje jaho krytykujuć.
Razmaŭlajučy z žurnalistami ŭ aeraporcie Bierlina ŭ niadzielu pierad vyletam u Braziliju na samit G20, Šolc skazaŭ, što zvanok Pucinu byŭ nieabchodny, kab raźviejać iluzii, jakija toj moh pieścić, što Zachad źbirajecca admovicca ad padtrymki Ukrainy, piša VVS sa spasyłkaju na Reuters.
Na dumku Šolca, z ulikam chutkaha viartańnia Donalda Trampa na pasadu prezidenta ZŠA było b niadobra, kali b Vašynhton padtrymlivaŭ rehularnyja kantakty z Pucinym, a nivodzin jeŭrapiejski lidar nie padtrymlivaŭ by.
Sa słoŭ Šolca, hutarka z Pucinym była «vielmi padrabiaznaj», i stała zrazumieła, što mała što źmianiłasia ŭ pohladach rasijskaha prezidenta na vajnu. «I heta niadobryja naviny», — kanstatavaŭ Šolc.
Kancler Niamieččyny patelefanavaŭ Pucinu ŭ piatnicu ŭpieršyniu sa śniežnia 2022 hoda. Hutarka praciahvałasia kala hadziny. Siarod tych, chto krytykavaŭ Šolca za razmovu z rasijskim prezidentam, byŭ Uładzimir Zialenski. Prezident Ukrainy ličyć, što Šolc adkryŭ «skryniu Pandory».
«Ciapier mohuć być inšyja razmovy, inšyja zvanki. Prosta šmat słoŭ. I mienavita toje, što Pucin daŭno choča: jamu vielmi važna asłabić jaho izalacyju, izalacyju Rasii i vieści zvyčajnyja pieramovy, jakija nie buduć ničym zaviaršacca», — zajaviŭ Zialenski. Pavodle źviestak Reuters, prezident Ukrainy adhavorvaŭ Šolca ad razmovy z Pucinym.
Ciapier čytajuć
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku9
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary