Ukrainskamu deputatu Šaŭčenku, jaki padtrymlivaŭ suviazi z Łukašenkam, vystavili abvinavačańnie ŭ dziaržaŭnaj zdradzie
Pravaachoŭniki abviaścili padazreńnie ŭ dziaržaŭnaj zdradzie narodnamu deputatu Ukrainy Jaŭhienu Šaŭčenku. Siarod abvinavačańniaŭ — suviazi ź Biełaruśsiu.
Słužba biaśpieki Ukrainy, Dziaržaŭnaje biuro rasśledavańniaŭ i Hienprakuratura zajavili, što sabrali dokazy dziaržaŭnaj zdrady z boku dziejnaha narodnaha deputata Ukrainy. U paviedamleńni nie nazyvajecca imia padazravanaha, ale abstaviny spravy pakazvajuć na Šaŭčenku, jaki niadaŭna zaklikaŭ prezidenta Ukrainy Uładzimira Zialenskaha pačać pieramovy z Rasiejaj.
Pakul prakurorami Hienprakuratury padazravanamu ŭniesiena chadajnictva ab abrańni miery strymańnia ŭ vyhladzie zaklučeńnia pad vartu.
Pavodle śledstva, naniasieńnie škody abaranazdolnaści i infarmacyjnaj biaśpiecy Ukrainy deputat pačaŭ jašče da pačatku poŭnamaštabnaha ŭvarvańnia RF. Tak, u 2021 hodzie jon apublikavaŭ niaspraŭdžanuju infarmacyju ab adsutnaści pahrozy poŭnamaštabnaha ŭvarvańnia RF z terytoryi Respubliki Biełaruś.
Śledstva taksama ŭstanaviła jaho kantakty z pradstaŭnikami ambasady Respubliki Biełaruś paśla vychadu na trybunu parłamienta sa ściaham hetaj krainy ŭ vieraśni 2020 hoda.
Pavodle materyjałaŭ spravy, fihurant sistematyčna zajmaŭsia infarmacyjna-padryŭnoj dziejnaściu ŭ intaresach dziaržavy-ahresara.
Jaŭhien Šaŭčenka atrymaŭ viadomaść jak aktyŭny prychilnik Łukašenki i łabist jaho intaresaŭ va Ukrainie. Jon naviedvaŭ Biełaruś jašče ŭ 2021 hodzie, dzie ŭdzielničaŭ u prapahandysckich mierapryjemstvach i sustrakaŭsia z Łukašenkam. Paśla hetaha Šaŭčenku vyklučyli z frakcyi «Słuha naroda».
Miž tym, kiraŭnik HUR Kirył Budanaŭ paźniej pryznavaŭsia, što ŭkrainskaja raźviedka vykarystoŭvała suviazi Šaŭčenki ŭ vyšejšym kiraŭnictvie Biełarusi ŭ svaich intaresach.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary