U avaryi biełaruskaha aŭtobusa ŭ Polščy paciarpieli šeść čałaviek
U vyniku darožna-transpartnaha zdareńnia ź biełaruskim aŭtobusam u Polščy paciarpieła šeść hramadzian Biełarusi, jakija dastaŭlenyja ŭ miedycynskija ŭstanovy. Pra heta BiełTA paviedamili ŭ MZS.
«Pavodle infarmacyi pravaachoŭnych orhanaŭ Polščy, 14 listapada na aŭtastradzie ŭ napramku h. Poznań adbyłosia DTZ ź biełaruskim aŭtobusam. U vyniku DTZ paciarpieła šeść biełaruskich hramadzian, jakija dastaŭlenyja ŭ miedycynskija ŭstanovy», — havorycca ŭ paviedamleńni.
DTZ adbyłosia 14 listapada kala 1.40 pa miascovym časie na 381-m km trasy A2. Transpartny srodak, u jakim znachodzilisia 11 čałaviek, ruchaŭsia ŭ napramku Poznani. Pavodle papiarednich źviestak, aŭtobus źjechaŭ z darohi, upaŭ u kiuviet i pierakuliŭsia.
«Aŭtobus mieŭ Biełaruskija rehistracyjnyja numary. Na miesca zdareńnia byli adpraŭlenyja šmatlikija pažarnyja padraździaleńni», — adznačajecca ŭ paviedamleńni polskich ekstrannych słužbaŭ. Na miescy pracavali 5 miedycynskich vyratavalnych atradaŭ i 6 pažarnych raźlikaŭ. Padčas vyratavalnaj apieracyi była pierakrytaja adna pałasa šašy.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary