Abrany prezident ZŠA Donald Tramp vyłučyŭ kandydatury kiraŭnika Pientahona i dyrektara CRU ŭ novaj administracyi, a biznesoŭcam Iłanu Masku i Vivieku Ramasvami prapanavaŭ uznačalić novy Departamient efiektyŭnaści ŭrada, paviedamlaje Bi-bi-si.
Novym ministram abarony ZŠA stanie vieteran amierykanskaj armii i viadučy Fox News Pit Chiehsiet, CRU ŭznačalić były dyrektar Nacyjanalnaj raźviedki Džon Retklif.
Pryznačeńnie Chiehsieta — adno z klučavych i samych čakanych u novaj administracyi.
«Pit žorstki, razumny i ščyra vieryć u toje, što Amieryka vyšej za ŭsio, — havorycca ŭ zajavie Trampa. — Ź Pitam na čale [Pientahona] vorahi Amieryki buduć papiaredžanyja — našy ŭzbrojenyja siły znoŭ stanuć vialikimi, i Amieryka nikoli nie adstupić».
Pra Retklifa, jaki ŭ minułym byŭ kanhresmienam Techasa, Tramp skazaŭ, što «jon zaŭsiody byŭ zmaharom za praŭdu i sumlennaść z amierykanskim narodam».
Iłanu Masku i byłomu pretendentu na vyłučeńnie ŭ jakaści kandydata na pasadu prezidenta ad Respublikanskaj partyi Vivieku Ramasvami Tramp prapanavaŭ sumiesna ŭznačalić novy Departamient efiektyŭnaści ŭrada ZŠA (DOGE).
«Razam hetyja dva vydatnyja amierykancy prakładuć šlach majoj administracyi da likvidacyi ŭradavaj biurakratyi, skaračeńnia zališniaha rehulavańnia, skaračeńnia marnych vydatkaŭ i restrukturyzacyi fiederalnych ahienctvaŭ, što źjaŭlajecca najvažniejšaj umovaj ruchu «Vyratujem Amieryku»», — havorycca ŭ zajavie Trampa.
Abrevijatura novaha Departamienta — DOGE — źjaŭlajecca adsyłkaj da nazvy kryptavaluty Dogecoin, jakuju prasoŭvaje Iłan Mask.
Pakul niezrazumieła, jakuju formu prymie novaja struktura.
U zajavie Trampa havorycca, što jana budzie «supracoŭničać ź Biełym domam i [užo isnujučym] Upraŭleńniem pa biudžecie dla praviadzieńnia bujnamaštabnych strukturnych reformaŭ».
Viadoma taksama, što Mask i Ramasvami buduć vykonvać hetuju pracu da lipienia 2026 hoda. Niezrazumieła, ci skončycca termin ich paŭnamoctvaŭ paśla hetaha.
Ciapier čytajuć
Maładuju biblijatekarku z Horak asudzili za pratesty2
Maładuju biblijatekarku z Horak asudzili za pratesty
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1515
Kamientary
I diemokratov pochožie budut hromiť.