Pucin daŭ paśmiarotna Hieroja Rasii hienierału, jaki zahinuŭ u pjanym DTZ na matacykle
Siońnia ŭ Sievastopali adbyłosia pachavańnie rasijskaha hienierał-majora Paŭła Klimienki. Mienavita Klimienku ŚMI nazyvali arhanizataram katavalnaha łahiera dla rasijskich vajskoŭcaŭ na terytoryi zakinutaj Piatroŭskaj šachty ŭ Daniecku. Pucin daŭ hienierału paśmiarotna Hieroja Rasii.
Ab pachavańni Klimienki paviedamiŭ pryznačany Rasijaj hubiernatar Sievastopala Michaił Razvažajeŭ.
«Pavieł Jurjevič Klimienka pa-hierojsku zahinuŭ pry vykanańni bajavoj zadačy ŭ chodzie śpiecyjalnaj vajennaj apieracyi ŭ pasiołku Krasnahoraŭka na Danieckim kirunku», — napisaŭ čynoŭnik.
Uładzimir Pucin prysvoiŭ Klimienku zvańnie Hieroja Rasii paśmiarotna. Uznaharodu pryniali dzieci hienierała.
Telehram-kanał «VČK-OHPU» pisaŭ sa spasyłkaj na dakumienty i raskazy vidavočcaŭ, što Klimienka ŭ stanie ałkaholnaha apjanieńnia źjechaŭ na matacykle ŭ kiuviet u rajonie Krasnahoraŭki i pamior ad atrymanych traŭm. Pry hetym, zaklučeńnie było składziena tak, što DTZ adbyłosia z pryčyny abstrełu BPŁA.
Ale na ciele Klimienki adsutničali jakija-niebudź termičnyja i askiepkavyja paškodžańni, charakternyja dla vybuchu. U hienierała byli dyjahnastavanyja šmatlikija traŭmy, charakternyja dla DTZ z matacykłami, adznačaje kanał.
Klimienka staŭ 13-m rasijskim hienierałam, pra čyju śmierć paviedamlałasia ź lutaha 2022 hoda. Rasijskija ŭłady paćvierdzili vosiem ź ich.
Jak pišuć «Važnyja historyi», bajcy bryhady zabitaha hienierała datyčnyja da katavańniaŭ i zabojstva amierykanskaha błohiera i prychilnika vajny Raseła Bentli. Viadoma, što trup amierykanca ŭzarvali, kab schavać ślady źvierstvaŭ. Ciapier čaćviora byłych padnačalenych Klimienki znachodziacca pad śledstvam, ale, imavierna, paźbiehnuć pakarańnia, bo znoŭ adpraviacca na front.
Pavodle rasśledavańnia žurnalistaŭ, Klimienka arhanizavaŭ katavalny kancłahier dla rasijskich vajskoŭcaŭ na terytoryi zakinutaj šachty ŭ Daniecku. Tam ich prymušajuć addavać kamandziram zarpłatu i vypłaty za ranieńni (časam dziela hetaha jany sami kalečać bajcoŭ). Taksama kamandavańnie bryhady Klimienki afarmlała davieranaści i zabirała sabie vypłaty za śmierć bajcoŭ.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary