«Davajcie nazyvać pravilna». Praŭładny palitołah asudziŭ «Mołdaviju» i «Biełoruśsiju»
U prahramie telekanała STV «Po suŝiestvu» praŭładny palitołah-prapahandyst Vadzim Baravik, jaki časta staić u svaich vystupleńniach na prarasijskich pazicyjach, raptam rezka vykazaŭsia suprać vykarystańnia «naratyvaŭ peŭnych Z-patryjotaŭ».
Abmiarkoŭvajučy vybary ŭ Małdovie, Baravik adznačyŭ, što ŭ ich, maŭlaŭ, umiešvajucca abodva baki — i Uschod, i Zachad, bo heta zmahańnie «za žyćciovuju prastoru».
Pavodle jaho, «tam Rasija i rasijskaja raźviedka pracujuć — i ŭ Małdovie…», paśla čaho praŭładnaha palitołaha raptam paciahnuła ŭ bok terminałohii:
«Davajcie nazyvać pravilna, nijakaj «Mołdavii» niama, i «Biełoruśsii» niama. Małdova, Biełaruś, Turkmienistan. Tady vy budziecie siabie pavažać.
Kali vy budziecie havaryć naratyvy peŭnych Z-patryjotaŭ, u vas budzie niapravilnaja terminałohija, i my budziem niapravilna moładź vychoŭvać.
U nas dziaŭčynki pravilna Hałkinu havaryli: niama takoj krainy «Biełoruśsija», jość Biełaruś. Ja chaču ŭsie krainy nazyvać pa Kanstytucyi. Z hetaha pačynajecca pavaha i centraimklivyja siły».
Jaho padtrymaŭ i viadučy prahramy, adznačyŭšy, što treba havaryć nie Bierah Słanovaj Kości, a Kot dJIvuar.
45-hadovy Vadzim Baravik byŭ na vybarach-2020 davieranaj asobaj Alaksandra Łukašenki. Jaho aficyjnaja praca — dyrektar «Haradskoha centra pierakładaŭ». Ale najbolš raskruciŭsia Baravik jak teleekśpiert pa luboj temie.
Kali koratka apisać jaho ampłua, to heta Hajdukievič na minimałkach. Taki ž isteryčny, taki ž samaŭpeŭnieny, taki ž hienieratar kamientaroŭ pa luboj temie — navat intanacyi padobnyja! — ale charyzmy ŭsio ž pamieniej. Na BT jaho prezientujuć jak «biełaruskaha Žyrynoŭskaha».
U pačatku 2024 hoda Vadzim Baravik, jak i šerah inšych prapahandystaŭ, byŭ pryznačany deputatam Minskaha haradskoha savieta.
U Kurasoŭščynie za miesca ŭ Minharsaviet bjucca telepiersanažy — stalinist i prarasijski palitołah. Vy za kaho?
Telepiersanaž Vadzim Baravik prapanavaŭ dadavać niavińnicam bałaŭ na CT
Prapahandysty azadačylisia: jak upeŭnić narod, što miech bulby — heta kruta, a Maldyvy — nie
Ejsmant, Pustavy, Kryvašejeŭ. Usie prapahandysty prabilisia ŭ Minharsaviet
Ciapier čytajuć
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary