U Kurasoŭščynie za miesca ŭ Minharsaviet bjucca telepiersanažy — stalinist i prarasijski palitołah. Vy za kaho?
Vybary ŭ miascovyja saviety deputataŭ zastajucca pa-za ŭvahaj hramadstva. Zrešty, i achvotnych bałatavacca niašmat. Hrošy za takuju pracu nie płaciać, tamu mała chto choča atrymlivać dadatkovuju nahruzku.
U takoj atmaśfiery sa śpisam kandydataŭ mohuć zdaracca roznyja mietamarfozy. U vyniku na vybarach u Minharsaviet pa Kurasoŭščynskaj akruzie №17 syšlisia Mikałaj Vałovič i Vadzim Baravik. Čym jany admietnyja?
Mikałaj Vałovič — 38-hadovy stalinist. Jon siabra Kamunistyčnaj partyi. A pakolki kolišni kiraŭnik partyi Ihar Karpienka byŭ ministram adukacyi, to zapchnuŭ maładych aktyvistaŭ u Hałoŭny infarmacyjna-analityčny centr Ministerstva adukacyi. Tam znajšoŭ ciopłaje miesca prapahandyst Andrej Łazutkin, tam pracuje i Vałovič — śpiecyjalistam adździeła infarmacyjna-analityčnaha zabieśpiačeńnia.
Aproč taho, piša kałonki ŭ adyjoznuju «Minskuju praŭdu»
Čym jašče zapomniŭsia Vałovič? Jon sapraŭdy stalinist, admaŭlaje palityčnyja represii ŭ 1930-yja. «Jakija palityčnyja matyvy ŭ tym, što asudzili hramadzian, jakija zdradžvali dziaržavie, nanosili joj škodu? Chiba heta represii? Nie treba padvojnych standartaŭ u dačynieńni da savieckaj dziaržavy», — pierakanany Vałovič. Admaŭlać vidavočnaje — niebiaśpiečnaja reč. U 2020-m kamunista źbili susiedzi — bo jon cynična zajaviŭ, što nie bačyć u dziejańniach AMAPa praźmiernaj žorstkaści.
«Skazaŭ, što ŭ dziejańniach AMAPa nie było žorstkaści — i atrymaŭ u voka»: stalinist śćviardžaje, što jaho pabili za padtrymku Łukašenki
45-hadovy Vadzim Baravik byŭ na vybarach-2020 davieranaj asobaj Alaksandra Łukašenki. Jaho aficyjnaja praca — dyrektar «Haradskoha centra pierakładaŭ». Ale najbolš raskruciŭsia Baravik jak teleekśpiert pa luboj temie.
Kali koratka apisać jaho ampłua, to heta Hajdukievič na minimałkach. Taki ž isteryčny, taki ž samaŭpeŭnieny, taki ž hienieratar kamientaroŭ pa luboj temie — navat intanacyi padobnyja! — ale charyzmy ŭsio ž pamieniej. Na BT jaho prezientujuć jak «biełaruskaha Žyrynoŭskaha».
U svaich pazicyjach Baravik abiraje prarasijskija pazicyi. Mahčyma, prosta tamu, što heta vyhadna ŭ ciapierašniaj kanjunktury.
Telepiersanaž Vadzim Baravik prapanavaŭ dadavać niavińnicam bałaŭ na CT
Budzie śmiešna, kali deputatam pa Kurasoŭščynskaj akruzie pryznačać treciuju kandydatku, dyrektarku Minskaha haradskoha centra alimpijskaha reziervu Taćcianu Žyłko.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary