CVK zarehistravaŭ inicyjatyŭnyja hrupy Kanapackaj, Bobrykava i Syrankova, a Kavalovaj i Kulaša — nie
Siońnia Centrvybarkam skončyŭ rehistracyju inicyjatyŭnych hrup u padtrymku vyłučeńnia kandydataŭ u prezidenty.
CVK zarehistravaŭ hrupu Kanapackaj, choć i pryznaŭ niesapraŭdnaj častku źviestak inicyjatyŭnaj hrupy (109 čałaviek).
Taksama byli zarehistravanyja inicyjatyŭnyja hrupy hienierał-majora zapasu, byłoha načalnika Vajskovaj akademii Siarhieja Bobrykava, staršyni Kamunistyčnaj partyi Siarhieja Syrankova.
Pretendenty ŭ kandydaty vysłuchali rašeńni CVK z kamiennymi tvarami, niby na pachavańni.
Adnak nie zarehistravali hrupy Dzijany Kavalovaj z-za niedastatkovaści kolkaści členaŭ i Viktara Kulaša, bo toj nie padaŭ śpisu inicyjatyŭnaj hrupy.
Na minułym tydni byli zarehistravanyja inicyjatyŭnyja hrupy Alaksandra Łukašenki, Aleha Hajdukieviča, Alaksandra Chižniaka i Volhi Čamadanavaj.
Byli adchilenyja zajaŭki Juryja Hubareviča i Alaksandra Drazdova.
Zbor podpisaŭ (treba sabrać 100 tysiač) pačniecca 7 listapada i skončycca 6 śniežnia. Z 22 pa 31 śniežnia ŭklučna majuć rehistravać kandydataŭ abo admaŭlać im u rehistracyi.
Vybary — 26 studzienia.
Kamientary