ЦВК зарэгістраваў ініцыятыўныя групы Канапацкай, Бобрыкава і Сыранкова, а Кавалёвай і Куляша — не
Сёння Цэнтрвыбаркам скончыў рэгістрацыю ініцыятыўных груп у падтрымку вылучэння кандыдатаў у прэзідэнты.
ЦВК зарэгістраваў групу Канапацкай, хоць і прызнаў несапраўднай частку звестак ініцыятыўнай групы (109 чалавек).
Таксама былі зарэгістраваныя ініцыятыўныя групы генерал-маёра запасу, былога начальніка Вайсковай акадэміі Сяргея Бобрыкава, старшыні Камуністычнай партыі Сяргея Сыранкова.
Прэтэндэнты ў кандыдаты выслухалі рашэнні ЦВК з каменнымі тварамі, нібы на пахаванні.
Аднак не зарэгістравалі групы Дзіяны Кавалёвай з-за недастатковасці колькасці членаў і Віктара Куляша, бо той не падаў спісу ініцыятыўнай групы.
На мінулым тыдні былі зарэгістраваныя ініцыятыўныя групы Аляксандра Лукашэнкі, Алега Гайдукевіча, Аляксандра Хіжняка і Вольгі Чамаданавай.
Былі адхіленыя заяўкі Юрыя Губарэвіча і Аляксандра Драздова.
Збор подпісаў (трэба сабраць 100 тысяч) пачнецца 7 лістапада і скончыцца 6 снежня. З 22 па 31 снежня ўключна маюць рэгістраваць кандыдатаў або адмаўляць ім у рэгістрацыі.
Выбары — 26 студзеня.
«Я не хачу адпускаць жыццё». У пісьменніцы Святланы Курс рак на позняй стадыі10
Каментары