U balnicy Iryny Abielskaj niekatorych pacyjentaŭ paznačajuć «čornaj mietkaj»
Dziŭnaja inavacyja vykarystoŭvajecca ŭ «Lečkamisii» ŭ ramkach infiekcyjnaha kantrolu.
Zahadčyca infiekcyjna-epidemijałahičnaha adździeła balnicy Kiraŭnictva spraŭ Łukašenki Alena Kačanka raspaviała, što ŭ stacyjanary niekatorych pacyjentaŭ paznačajuć «čornaj mietkaj».
Raskaz Kačanki pra heta nou-chau zaŭvažyli «Biełyja chałaty».
«Kalehi z Nacyjanalnaha miedyka-chirurhičnaha centra imia M. I. Pirahova pry izalacyi pacyjenta z multyrezystentnaj fłoraj na pałatu viešajuć tabličku «Nie čapać! Chałat, šapačka, maska, palčatki».
My ž u siabie ŭ stacyjanary prydumali nazvu «čornaja mietka». Takim čynam, sanitarka vyrazna razumieje, što pałatu, u jakoj znachodzicca pacyjent z «čornaj mietkaj», treba pamyć u apošniuju čarhu; taksama i bufietčyca prynosić tudy ježu ŭ apošniuju čarhu, a chirurh viedaje, što pieraviazku treba zrabić apošniaj spravaj u pałacie», — raskazała Kačanka na staronkach «Miedicinskoho viestnika».
«Biełyja chałaty» adznačajuć, što zachodzić u takuju pałatu ŭ apošniuju čarhu — adekvatnaja praktyka, ale nakolki padobnaja «markiroŭka» adpaviadaje etyčnym normam, nie zusim zrazumieła. Zvyčajna ŭ takich vypadkach chapaje standartnych papiaredžvalnych nadpisaŭ, biez malunkaŭ z čerapam i kostkami.
U 2024 hodzie Kačanka apublikavała vučebna-mietadyčny dapamožnik «Elemienty infiekcyjnaha kantrolu ŭ šmatprofilnym stacyjanary». Redahavała dapamožnik Iryna Abielskaja — hałoŭny doktar «Lečkamisii» i mama Mikałaja Łukašenki.
Infiekcyjny kantrol u balnicach pravodzicca dla palapšeńnia jakaści akazańnia miedycynskaj dapamohi pacyjentam praź źnižeńnie kolkaści vypadkaŭ infiekcyj, źviazanych ź miedycynskaj dapamohaj.
Prahrama infiekcyjnaha kantrolu pavinna ŭklučać, u pieršuju čarhu, standartnyja miery zaściarohi, kiravańnie antybijotykami, adkidami, najaŭnaść i dastupnaść srodkaŭ indyvidualnaj abarony, dezynfiekcyju i sterylizacyju, biaśpiečnaje vykarystańnie ihołak, hihijenu ruk, a taksama navučańnie.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia17
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary