Śpievaka Ap$ent abvinavacili, što jon kinuŭ muzykaŭ na hrošy. U taho inšaja viersija
Leanid Nieściaruk, były hitaryst Nizkiz, napisaŭ u tvitary, što papularny śpiavak Ap$ent pazvaŭ muzykaŭ u tur, ale nie zapłaciŭ im stolki, na kolki damaŭlalisia.
Leanid piša, što muzykam abiacali apłatu minimum u 200 jeŭra za kožny vystup. A kali kancert samaakupicca i vyjdzie ŭ plus, to jašče i dadatkovy pracent. Na pačatak tura było čatyry paćvierdžanyja vystupy i niekalki na stadyi ŭzhadnieńnia, mahli źjavicca i novyja vystupy.
Pieršy kancert, ličyć Nieściaruk, prajšoŭ cudoŭna, ale paśla muzyki atrymali ad Arsienija Kiślaka (tak nasamreč zavuć śpievaka Ap$ent) niepryjemny siurpryz:
«Čujem — tak i tak, pa 500 złotych (prykładna 115 jeŭra. — NN), ale ŭziać ich zmožam, tolki kali nastupnyja try chacia b u nul źjeździm. Muzyki, naturalna, aburylisia. Bo, pa-pieršaje, abiacaŭ inšaje, i pa-druhoje, hukač, śvietavik i h.d. atrymali kolki treba, a čym siesijnyja muzyki adroźnivajucca?»
Dalej, piša Leanid, Ap$ent kazaŭ muzykam, što dla jaho ich «finansavyja pradjavy źnievažalnyja» i jon nie vinavaty, što ŭ muzykaŭ składanaja situacyja z hrašyma.
Kiślak nibyta paprakaŭ muzykaŭ, što jany nie prajšli test na siabroŭstva i kazaŭ, što jamu vyhadniej admianić kancerty i zapłacić arhanizataram niaŭstojku, čym płacić muzykam, kolki damaŭlalisia. U vyniku, piša Nieściaruk, muzyki atrymali pa 200 jeŭra, i na hetym razyšlisia.
Ap$ent adkazaŭ na abvinavačvańni ŭ svaim akaŭncie ŭ Ch:
«Paciešna daviedacca pra insinuacyi ab tym, što ja kahości «kinuŭ», ad čałavieka, jaki hatoŭkaj ad mianie atrymaŭ 300$ z kišeni, prosta tamu što pačakać, pakul arhanizatar raźličycca, im u padłu akazałasia. Heta nie ŭličvajučy, što ja ŭ**aŭ 1500$ hrošaj i, što važniej, 6 miesiacaŭ svajho času na «prafiesijanałaŭ», jakija 15 piesień hetyja paŭhoda nie mahli razvučyć.
Kalektyŭ byŭ raspuščany praz toje, što ja mietadyčna rasčaroŭvaŭsia ŭ muzykach jak u ludziach, i plotki Loni dakazvajuć, što ja mieŭ racyju».
Arsienij piša, što siesijnym (to-bok kancertnym) muzykam u hetaj historyi byŭ tolki adzin, i heta nie Nieściaruk. Hety muzyka, pavodle słovaŭ Ap$ent, pryjšoŭ na pieršuju ž repietycyju hatovym, i repier płaciŭ jamu za kožnuju repietycyju, pakul astatnija muzyki vučyli partyi.
Minimum 200 jeŭra, nakolki pamiataje Ap$ent, ahučvali tolki adnamu čałavieku. Pavodle jaho słoŭ, muzyki nie prychodzili da jaho mienavita na tur, harady i daty vystupaŭ źjavilisia potym. A datyčna samoha Nieściaruka Arsienij napisaŭ, što hitaryst jamu «pa fakcie i nie patrebny byŭ».
«Naša Niva» — bastyjon biełaruščyny
PADTRYMAĆ
Kiraŭnik Lidy zaklikaŭ siłavikoŭ nie spyniać palityčnych represij28
Kamientary