Jakaja z karcin Marka Šahała stała samaj darahoj na apošnim aŭkcyjonie Christie’s
U ramkach sieryi łondanskich aŭkcyjonaŭ Christie's z 9 pa 22 kastryčnika prajšli čarhovyja anłajn-tarhi, pryśviečanyja pracam Marka Šahała sa zboru jaho spadčyńnikaŭ.
Tvor Marka Šahała «Śviatoje siamiejstva ŭ čyrvonym i kaza ŭ zialonym» (1950) byŭ pradadzieny na apošnich anłajn-tarhach, pryśviečanych rabotam mastaka na aŭkcyjonie Christie's, za 163 800 jeŭra. Pieršapačatkovy košt malunka na papiery składaŭ €18 000—28 000. Usiaho na apošnim rasprodažy tvoraŭ žyvapisca pad tematyčnaj nazvaj «Miž niebam i ziamloj» byli realizavanyja 72 raboty z kalekcyi jaho spadčyńnikaŭ, piša Reformby.org.
Płanavałasia, što najbolšuju cikavaść pakupnikoŭ vyklikaje huaš mastaka «Anioł z čyrvonymi kryłami ŭ žoŭtym niebie», stvoranaja ŭ 1979 hodzie: łot aceńvaŭsia ŭ €38 000—55 000, a pa vyniku byŭ pradadzieny za 138 tysiač jeŭra.
Ale za «Śviatoje siamiejstva ŭ čyrvonym i kaza ŭ zialonym» razyhrałasia bolšaja baraćba, vynikam jakoj stała pavieličeńnie pieršapačatkovaha koštu raboty, vykananaj u źmiešanaj technicy, amal u šeść razoŭ.
U top-3 najbolš darahich tvoraŭ u hetyja tarhi trapiŭ i malunak «Uspaminy pra viasnu», napisany pryblizna ŭ 1983 hodzie. Pieršapačatkova rabota aceńvałasia ŭ €38 000—55 000, a była realizavana za 119 700 jeŭra.
Košt mnohich tvoraŭ Marka Šahała pa vynikach kastryčnickaha rasprodažu pavialičyŭsia ŭ 2-7 razoŭ. Na anłajn tarhach byli pradstaŭlenyja pieravažna raboty mastaka na papiery.
Ciapier čytajuć
Što robiać ź biełarusami, jakich aryštavali, ale nie paśpiavajuć asudzić za pratesty. Jość dva šlachi6
Kamientary