65-hadovaha Antona z «Zielanbuda» asudzili za «sadziejničańnie ekstremisckaj dziejnaści»
Anton Končyc usio žyćcio adrabiŭ na rabočych śpiecyjalnaściach — miechanikam dy aŭtamiechanikam.
U kastryčniku adbyŭsia sud nad 65-hadovym Antonam Končycam. Zhodna sa źviestkami prajekta Digital intelligence team, rodam jon z ahraharadka Śviaciłavičy Vietkaŭskaha rajona Homielskaj vobłaści.
Anton usio žyćcio pracavaŭ na rabočych śpiecyjalnaściach — miechanikam dy aŭtamiechanikam. Apošniaje viadomaje miesca jaho pracy — «Zielanbud» Pieršamajskaha rajona Minska.
Sud nad Antonam Končycam skončyŭsia 9 kastryčnika. Jaho abvinavačvali ŭ «sadziejničańni ekstremisckaj dziejnaści». Prysud, jak i sutnaść abvinavačańniaŭ, nieviadomyja.
Anton niepubličny čałaviek. Mahčyma, jon staŭ adnoj z achviaraŭ palavańnia siłavikoŭ na salidarnych z palitviaźniami.
Sudziŭ jaho sudździa Siarhiej Jepichaŭ.
«Naša Niva» — bastyjon biełaruščyny
PADTRYMAĆ
Kamientary