U minskim hateli prydumali, jak uratavać ludziej ad padzieńnia ź leśvicy
Błohier apublikavaŭ u tyktoku videa ź niezvyčajnym prystasavańniem u adnym ź minskich hatelaŭ. Pryłada moža dapamahčy naviedvalnikam, jakija straciać raŭnavahu na leśvicy ci vypuściać z ruk telefon.
Tyktokier thekropachev pakazaŭ u roliku kruhavuju leśvicu ź minskaha hatela. Pamiž pralotami hetaj leśvicy naciahnuli sietku, jakaja musić dapamahčy, kali ŭ šyrokuju prastoru pamiž pralotami ŭpadzie čałaviek ci niejki pradmiet — naprykład, smartfon.
U hetaj sietki drobnyja vočki, i dla kantrastu błohier pakazaŭ kadry ź sietkaj inšaha farmatu, jak zroblena ŭ adnym ź minskich ofisaŭ. Tam naciahnuli pamiž pralotami mietaličnuju sietku, ale, u adroźnieńnie ad minułaha vypadku, tut u sietki bolš vialikija vočki, dy i jana sama prymacavanaja da ćviordych mietaličnych štyroŭ.
Błohier uchvaliŭ pieršy varyjant sietki — maŭlaŭ, amal hamak. Što da druhoha vypadku, aŭtar videa pažartavaŭ: kanstrukcyja zroblena tak, kab čałavieka «pry padzieńni adrazu siekła ŭ sałatu».
20-siekundny rolik atrymaŭ na siońnia 2,8 miljona prahladaŭ i bolš za 1200 kamientaroŭ. Adzin z hledačoŭ paznaŭ leśvicu — pavodle jaho kamientara, heta hatel «Minsk». Jon raskazaŭ i historyju taho, jak tam źjaviłasia sietka: maŭlaŭ, na siomym pavierchu hatela jość restaran «7 nieba», i adnojčy pjany naviedvalnik restarana ŭpaŭ ź leśvicy i paškodziŭ dach apteki, što znachodzicca na pieršym pavierchu. Paśla hetaha i naciahnuli sietku.
Šmat karystalnikaŭ ličać, što sietka pieršaha farmatu — dobraja ideja, tym bolš kali jana naciahnutaja na kožnym paviersie. U takim vypadku, kali čałaviek i prabje adnu ź sietak padčas padzieńnia, jaho ŭtrymajuć inšyja sietki, a kali ŭžo i jany nie daduć rady, jon upadzie chacia b ź mienšaj chutkaściu i budzie mieć bolš šansaŭ na vyžyvańnie. I takaja sietka dakładna ŭtrymaje pradmiety nakštałt smartfonaŭ.
Niekatoryja kamientatary adznačyli, što leśvica skanstrujavanaja nienaležnym čynam: možna było b zrabić, naprykład, vyšejšyja parenčy, kab ubierahčy ludziej.
«Naša Niva» — bastyjon biełaruščyny
PADTRYMAĆCiapier čytajuć
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna4
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2020
Kamientary
vyšynia parenčaŭ na leśvicy ŭ dadzienym vypadku zhodna normaŭ. ludzi što - maleńkija (u škołach/dzicsadkach - 1,2m) ci durnieńkija (u škołach dla dziaciej z adstavańniem razumovaha raźvićcia - 1,8m) ?