Vice-premjer Snapkoŭ: roźnica cen u Biełarusi i Rasii vyklikaje niervovaść
Namieśnik kiraŭnika ŭrada raskazaŭ pra prablemy na ŭnutranym rynku praz toje, što tavary ŭ Biełarusi tańniejšyja, čym u Rasii.
Pieršy vice-premjer Mikałaj Snapkoŭ kanstatavaŭ, što ceny ŭ Biełarusi na mnohija tavary značna nižejšyja, čym u Rasii.
Pavodle jaho słoŭ, u 2024 hodzie jabłyki ŭ siarednim na 64% tańniejšyja, čym u Rasii, ahurki — na 57%, małako — na 37%, śvinina — na 12%.
Adnačasova inflacyja ŭ Biełarusi nižejšaja, čym u Rasii ci Kazachstanie. Usio heta, na dumku Snapkova, stvaraje niervovaść na biełaruskim rynku, piša Sputnik.
«Heta łahična z ulikam taho, što siaredniaja zarabotnaja płata ŭ Biełarusi nižejšaja, čym u Rasijskaj Fiederacyi. Ale treba adznačyć, što heta taksama i stvaraje niervovaść na ŭnutranym rynku z punktu hledžańnia jaho zabieśpiačeńnia», — kaža Snapkoŭ.
U vyniku vytvorcy imknucca minimizavać pastaŭki na ŭnutrany rynak i maksimizavać na bolš vyhadnyja napramki — u inšyja krainy JEAES. Heta stvaraje dadatkovy cisk, kaža Snapkoŭ.
Kamientary
Na etom fundamientie+ rieprieśsii protiv tiech, kto nie chočiet byť ṕjaniciem i ałkoholikom, vystrojen stabiliziec v Biełarusi.