Stali viadomyja padrabiaznaści śmierci 35-hadovaha frystajlista Maksima Huścika
Amal hod tamu zahinuŭ pryzior ČS pa frystajle Maksim Huścik. Padrabiaznaści hetaha zdareńnia tak i nie byli ahučanyja. «Trybuna» daviedałasia, jak heta adbyłosia.
9 śniežnia 2023 hoda ŭ Minsku zahinuŭ 35-hadovy staršy trenier zbornaj Biełarusi pa frystajle Maksim Huścik. Jon byŭ bronzavym miedalistam čempijanatu śvietu — 2015, šmatrazovym pryzioram etapaŭ Kubka śvietu i ŭdzielnikam dźviuch Alimpijad.
U aficyjnych kanałach paviedamili tolki sam fakt hibieli Huścika. Padrabiaznaściej za amal hod paśla hetaha tak i nie było.
Pa infarmacyi «Trybuny», viečar piatnicy 8 śniežnia 2023 hoda Huścik pravodziŭ, adpačyvajučy sumiesna ź niekalkimi tavaryšami.
Prykładna ŭ 1:30 nočy ŭžo 9 śniežnia mužčyny apynulisia la stancyi mietro «Puškinskaja» na praśpiekcie Puškina, jaki chacieli pierajści.
Jak piša «Trybuna», jany vybrali dla hetaha nie padziemny pierachod, jaki źjaŭlajecca adzinaj tam lehalnaj mahčymaściu pierasiekčy vaśmipałosnuju darohu. Kampanija, parušajučy PDR, pajšła naŭprost pa prajeznaj častcy, majučy namier pieraleźci praź nievialiki płot u siaredzinie jaje.
Adnak na raździalalnaj pałasie ŭ Huścika i inšaha čałavieka z kampanii ŭźnik słoŭny kanflikt. Praz paru replik apanient eks-frystajlista niečakana šturchnuŭ jaho. Huścik nie ŭtrymaŭsia na nahach — palacieŭ na prajeznuju častku.
Mienavita ŭ hety momant pa praśpiekcie jechała «Škoda». Jaje 33-hadovy vadziciel nie čakaŭ, što kala jaho mašyny zimovaj nočču ŭ takoj situacyi apyniecca niejkaja kampanija. Čałaviek za rulom zaŭvažyŭ jaje ŭ apošni momant — kali ŭžo nijak nie paśpieŭ by zatarmazić.
Pa trahičnaj vypadkovaści, Huścik upaŭ hałavoj mienavita pad koły «Škody». Taja navat paśla hetaha spyniłasia nie adrazu — kiroŭcu spatrebiŭsia čas, kab zrazumieć, što zdaryłasia. Zrešty, jon chutka viarnuŭsia na miesca DTZ.
Da taho momantu Huścik užo nie padavaŭ prykmiet žyćcia. A traŭma hałavy akazałasia nastolki žudasnaj, što eks-frystajlista chavali ŭ zakrytaj trunie, piša vydańnie.
Čym skončyłasia pravierka DTZ, surazmoŭcy vydańnia nie viedajuć.
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES35
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary
Žorstkaja Kanstytucyja, jak u Bałharyi, dla źmianieńnia jakoj patrabujecca 3/4 hałasoŭ parłamienta ŭ troch paśladoŭnych hałasavańniach u roznyja dni. Mianiać Kanstytucyju inšym sposabam nielha.