Novy trend na pracu stojačy — apraŭdany ci nie.
U apošnija hady ŭsio bolšuju papularnaść nabyvajuć piśmovyja stały dla pracy stojačy — jak doma, tak i ŭ ofisach. Hetyja stały rekłamujucca jak efiektyŭny sposab baraćby ź niehatyŭnymi nastupstvami praciahłaha siadzieńnia za kampjutaram, što stała niepaźbiežnaj častkaj sučasnaha ładu žyćcia. Ale ci sapraŭdy takaja praktyka spryjaje zdaroŭju?
Jak piša The Guardian, daśledavańnie, praviedzienaje vučonymi Sidniejskaha ŭniviersiteta, zaśviedčyła, što praciahłaje znachodžańnie stojačy nie źnižaje ryzyku takich zachvorvańniaŭ, jak insult i sardečnaja niedastatkovaść, niahledziačy na šyroka raspaŭsiudžanaje mierkavańnie pra supraćlehłaje.
Vyniki daśledavańnia, apublikavanyja ŭ International Journal of Epidemiology, śviedčać, što znachodžańnie na nahach bolš za dźvie hadziny na dzień moža pavialičyć ryzyku ŭźniknieńnia takich prablem, jak tramboz hłybokich vienaŭ i varykoznaje pašyreńnie vienaŭ.
Dla vyznačeńnia karyści stajańnia dla zdaroŭja daśledčyki praanalizavali danyja 83 013 darosłych z bazy brytanskaha bijabanka. Udzielniki nie mieli sardečnych zachvorvańniaŭ na pačatku daśledavańnia i nasili pryłady dla adsočvańnia ruchaŭ.
Vučonyja adznačajuć, što nie vyjavili karyści stajańnia ŭ źnižeńni ryzyki sardečnych zachvorvańniaŭ, takich jak insult, sardečnaja niedastatkovaść i išemičnaja chvaroba serca.
Naadvarot, ich daśledavańnie pakazała, što kožnyja dadatkovyja 30 chvilin stajańnia zvyš dźviuch hadzin pavialičvali ryzyku sardečna-sasudzistych zachvorvańniaŭ na 11%.
Aŭtary padkreślivajuć važnaść ruchu niezaležna ad taho, pracuje čałaviek stojačy ci siedziačy. Pierapynki dla aktyŭnaści palapšajuć zvarot kryvi, źnižajuć ryzyku prablem sa zdaroŭjem, źviazanych z praciahłym znachodžańniem u adnoj pozie. Navat karotkija pierachody, padjomy pa leśvicy ci raźminačnyja praktykavańni mohuć prynieści karyść i papiaredzić niehatyŭnyja nastupstvy ad doŭhaj pracy za stałom.
Vučonyja taksama źviartajuć uvahu, što ich raniejšaje daśledavańnie pakazała, što 6 chvilin intensiŭnych fizičnych praktykavańniaŭ abo 30 chvilin umieranych i intensiŭnych nahruzak za dzień mohuć dapamahčy źnizić ryzyku sardečna-sasudzistych zachvorvańniaŭ navat u tych, chto viadzie małaaktyŭny ład žyćcia bolš za 11 hadzin u dzień.
Što takoje aktyŭnaje siadzieńnie? Kali rabić tak, siadziačaja praca budzie nie takoj škodnaj
«Tekstavaja šyja». Šmat času siadzicie za kampjutaram i śpina pačynaje heta adčuvać? Padkazvajem, jak z hetym zmahacca
U jaki čas dnia lepš za ŭsio zajmacca sportam? I jak biez stresu vypracavać zvyčku
Pavolnyja treniroŭki ź nizkaj intensiŭnaściu — dośvied spartoŭcaŭ-čempijonaŭ pakazaŭ, što heta pracuje najlepš
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary