«Trampa cikavić tolki jaho eha, jaho hrošy i jaho status». Barak Abama vystupiŭ u padtrymku Kamały Charys
Były prezident ZŠA vystupiŭ u Pitsburhu (štat Piensilvanija) i padvierhnuŭ rezkaj krytycy kandydata ad Respublikanskaj partyi Donalda Trampa.
«Niama nijakich prykmietaŭ taho, što hety čałaviek dumaje pra kaho-niebudź, akramia siabie. Heta 78-hadovy miljarder, jaki nie pierastaje skardzicca na svaje prablemy z taho času, jak syšoŭ pa załatym eskałatary dzieviać hadoŭ tamu», — zajaviŭ Abama.
Jon mieŭ na ŭvazie 2015 hod, kali Tramp upieršyniu abviaściŭ pra svajo vyłučeńnie na pasadu prezidenta i źjaviŭsia pierad publikaj u svajoj viežy Trump Tower u Ńju-Jorku, spuściŭšysia pa załatym eskałatary, piša Bild.
«Tvity vialikimi litarami, razhłaholstvy pra varjackija teoryi zmoŭ, dźviuchhadzinnyja pramovy, moŭnaja kaša, pastajannyja sproby pradać štości vybarščykam. Trampa cikavić tolki jaho eha, jaho hrošy i jaho status. Jon nie dumaje pra vas», — dadaŭ Abama.
Razam z tym były prezident ZŠA padtrymaŭ Kamału Charys: pa jaho słovach, jana nie budzie «zasiarodžvacca na svaich prablemach, jana budzie zasiarodžvacca na vašych».
«Staŭšy prezidentam, jana budzie kłapacicca nie tolki pra svaich prychilnikaŭ. Jana budzie pracavać u intaresach kožnaha amierykanca. Voś takaja Kamała. Amierycy nie patrebnyja jašče čatyry hady hanarlivaści, niazdolnaści, chamstva i raskołu», — skazaŭ Abama.
Na dumku amierykanskich analitykaŭ, Piensilvanija — amal što samy važny štat na vybarach u ZŠA, jakija projduć 5 listapada.
Kamientary