Kolki hadoŭ žyćcia možna vyjhrać, kali kinuć kuryć? Raźliki navukoŭcaŭ
Navat kali vy kiniecie kuryć u 75 hadoŭ, vy zmožacie padoŭžyć praciahłaść žyćcia.
Amierykanskija navukoŭcy praanalizavali ŭpłyŭ kureńnia na praciahłaść žyćcia, kab vyznačyć stanoŭčy efiekt admovy ad hetaj zvyčki dla ludziej va ŭzroście ad 35 da 75 hadoŭ. Vyniki byli apublikavanyja ŭ American Journal of Preventive Medicine.
Kab vyličyć, kolki hadoŭ žyćcia hublajuć kurcy i kolki nabyvajuć tyja, chto kinuŭ kureńnie ŭ roznych uzrostach, navukoŭcy vykarystali danyja pa śmiarotnaści i raspaŭsiudžanaści kureńnia ŭ ZŠA za 2018 hod. Jany paraŭnali praciahłaść žyćcia ludziej, jakija kurać, kinuli kuryć i nikoli nie kurać.
Daśledčyki stvaryli tak zvanyja «tablicy žyćcia», vykarystoŭvajučy matematyčnyja raźliki, zasnavanyja na ryzykach śmiarotnaści dla roznych uzrostaŭ. Heta dazvoliła padličyć, kolki hadoŭ žyćcia čałaviek hublaje ci nabyvaje ŭ zaležnaści ad taho, praciahvaje jon kuryć ci kinuŭ u kankretnym uzroście.
Navat u stałym uzroście možna pavialičyć praciahłaść žyćcia. Naprykład, čałaviek, jaki kinuŭ kuryć u 65 hadoŭ, moža dadać u siarednim 1,7 hoda, a ŭ 75 hadoŭ — 0,7 hoda. Pry hetym amal u kožnaha siomaha (14,2%) 75-hadovaha čałavieka jość šaniec nabyć jak minimum dadatkovy hod žyćcia.
Vyniki pakazali, što amal kožny dziasiaty čałaviek, jaki kinuŭ kuryć va ŭzroście 65 hadoŭ, moža nabyć minimum 8 dadatkovych hadoŭ žyćcia, a kožny dvanaccaty (8%) čałaviek, jaki kinuŭ kuryć u 75 hadoŭ, moža nabyć 4 hady.
Takim čynam admova ad kureńnia na lubym etapie žyćcia prynosić istotnyja pieravahi i dapamahaje palepšyć jakaść žyćcia, źnižajučy ryzyki ciažkich zachvorvańniaŭ.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki17
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary