Viciabčuk prymacavaŭ da pavietranaha šara kanapu i palacieŭ. Im užo zacikavilisia
Piłota kanapy zavuć Alaksiej, i jon źjaŭlajecca kiraŭnikom adździeła markietynhu meblevaha zavoda «Saŭłukoŭ-mebla». Kanapa, na jakoj jon palotaŭ u niebie, — raspracoŭka jahonaj fabryki, i ŭsio rabiłasia ŭ rekłamnych metach, piša «Anłajnier».
«My prosta pabačyli fota ŭ internecie i vyrašyli, što možam zrabić takoje ŭ nas, i navat cikaviej. Zanialisia biaśpiekaj: strachoŭku i macavańni ładzili pramysłovyja alpinisty. Pravieryli pa vazie ŭsio. Treba było vytrymać limit u 200 kh razam z «piłotam», tamu vybrali adnu z samych lohkich kanap. Dačakalisia štylu, na ŭsialaki vypadak pryviazali šar trasami da ziamli i ŭviečary, na zachodzie sonca, mianie padniali ŭ pavietra», — raskazaŭ Alaksiej.
Ahułam palot kanapavaha vyprabavalnika praciahvaŭsia paŭtary hadziny. Dla jaho stabilizacyi ŭ atmaśfiery patrebna chałodnaje nadvorje. Mienavita tamu paloty mahčymyja albo rańniaj ranicaj, albo ŭviečary.
Uličvajučy, što ŭ kastryčniku ŭžo trochi padmarožvaje, navat hladzieć na kadry z markietołaham u adnoj kašuli było choładna.
«Pakul sonca nie sieła, było bolš-mienš, a potym užo choład adčuvaŭsia, tak. Ale strašna, kali ščyra, nie było. Dumki byli tolki pra toje, što treba było paśpieć usio źniać», — pryznajecca Alaksiej.
Pavodle jahonych słoŭ, kanapu, jakaja ŭdzielničała ŭ palocie, razyhrali ŭ žyvym efiry, i jon užo pajechaŭ da padpisčycy z Homiela. A sama pijar-akcyja była adnoj z samych viasiołych, što ładziła kampanija ŭ svajoj historyi.
Varta adznačyć, što paloty takoha płanu ŭsio ž nie zusim biaśpiečnyja, tamu tym, što adbyłosia, užo zacikaviłasia prakuratura.
Litva budzie zmahacca z kantrabandaj ź Biełarusi pry dapamozie dronaŭ
«Jon choć u kursie, što staŭ zorkaj?» Rolik z «sumnym čmialom» ź Minskaha cyrka za sutki nabraŭ amal 2 miljony prahladaŭ
Pavietrany šar ź biełaruskaj kantrabandaj pryziamliŭsia na terytoryi vilenskaha aeraporta
KNDR znoŭ zapuściła šary sa śmiećciem na poŭdzień. Adzin ź ich upaŭ la rezidencyi prezidenta Paŭdniovaj Karei
Kamientary