Łukašenka pryznaŭ, što dla prymianieńnia jadziernaj zbroi pryjdziecca pravodzić pieramovy z Pucinym
Palityk raskazaŭ, jak budzie dziejničać, kali zachoča prymianić rasijskuju jadziernuju zbroju, jakaja znachodzicca na terytoryi Biełarusi.
Alaksandr Łukašenka budzie pravodzić pieramovy z Uładzimiram Pucinym, kali jamu spatrebicca vykarystać jadziernuju zbroju. Pra heta Łukašenka raskazaŭ rasijskim ŚMI.
«Słuchajcie, navat kali b my, jak Paŭnočnaja Kareja, mieli zbroju, vyrablenuju i stvoranuju ŭ siabie, nikoli ŭ žyćci nivodnaja kraina nie vykarystała b jaje samastojna biez kansultacyi sa svaimi sajuźnikami. A tym bolš nam biez kansultacyi z Rasijskaj Fiederacyjaj.
Kali, nie daj boh (jak Pucin kazaŭ, vy zadali pytańnie — ja adkazvaju), tamu što brazhać hetaj zbrojaj — heta surjoznaja sprava… Ale kali b raptam, to, naturalna, my b nie prosta prakansultavalisia, my b vielmi surjozna praviali pieramovy z prezidentam Rasii pa vykarystańni hetaj zbroi», — zajaviŭ Łukašenka.
Pry hetym jon adznačyŭ, što sa źmianieńniem rasijskaj jadziernaj daktryny, jakaja ciapier praduhledžvaje prymianieńnie jadziernaj zbroi dla abarony Biełarusi, ryzyk dla jaje nie dadałosia.
U sakaviku Łukašenka zajaŭlaŭ, što Biełaruś nibyta budzie kiravać usioj jadziernaj zbrojaj, jakaja znachodzicca na jaje terytoryi.
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary