U Minsku bankrutuje firma, jakaja raźvivała sietku burhiernych ad Cimaci
Ekanamičny sud Minska raspačaŭ vytvorčaść pa spravie ab bankructvie TAA «BłekStarBurhier». Jak vynikaje z dakumientaŭ, apublikavanych na partale AHRSB, kampanija vinnaja pa damovie arendy bolš za 336 tysiač rubloŭ.
«BłekStarBurhier» u svoj čas kupiła ekskluziŭnyja pravy na biełaruskuju franšyzu sietki burhiernych repiera Cimaci Black Star Burger. Pieršy restaran adkryŭsia ŭ Minsku na Niamizie ŭ červieni 2019 hoda.
U listapadzie taho ž hoda adkryŭsia druhi punkt u HC Dana Mall, pryčym na jaho adkryćcio pryjechaŭ sam Cimaci. Potym restarany sietki niekalki razoŭ mianiali łakacyi (u HRC Galleria Minsk, «Tytan» i inšych miescach) i hetak ža chutka začynialisia.
Cikava, što arendadaŭcam kampanii była «dačka» Dana Holdings — ZTAA «Zomieks Inviestmient», jakoje paśla było pierajmienavana ŭ «Emirejts Blu Skaj», a potym — u TAA «Łajbrary Łejn». Mienavita hetaja kampanija vystupaje ciapier u jakaści kredytora.
Darečy, kiraŭnika TAA «BłekStarBurhier» dvojčy sprabavali pryciahnuć da kryminalnaj adkaznaści za «ŭtojvańnie albo adčužeńnie majomaści, padvierhnutaj aryštu». Ale ŭ spravie abodva razy było admoŭlena, a majomaść kampanii, pa danych suda, znachodzicca na terytoryi Rasii.
-
U kabiniet hiniekołaha homielskaj palikliniki padčas ahladu žančyny zajšoŭ mužčyna-inžynier — ale vymovu zrabili nie jamu
-
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja
-
Słava Kamisaranka raskazaŭ, jak žyvie, kali zastaŭsia biez rasijskaha hramadzianstva
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja10
Kamientary