Ź biełaruskaj prahramy karotkamietražak Manhattan Short vykinuli ŭkrainski film
Z 27 vieraśnia pa 6 kastryčnika ŭ roznych kutkach śvietu prajšoŭ čarhovy mižnarodny fiestyval karotkamietražak Manhattan Short. I kali ŭ inšych krainach hledačy ŭbačyli i hałasavali za 10 stužak, to ŭ Biełarusi ich kolkaść u prahramie skaracili da 9. Biełarusaŭ abmiežavali ŭ prahladzie ŭkrainskaha filma pra pačatak vajny «Mama».
«Prabačcie, nie mahu padtrymać vaš film, jaho nie pakazali ŭ Biełarusi», «Cenzura nie dała nam prahałasavać za vašu stužku», «Naša hałasavańnie tradycyjna budzie niespraviadlivym» — skardzilisia karystalniki hłabalnym arhanizataram.
Arhanizatary ź Biełarusi pytańni pra toje, čamu ŭkrainskaja stužka była vyrazanaja z afišy, praihnaravali.
Fiestyval Manhattan Short prachodzić užo 27 raz. U jaho miežach adabranyja finalisty adnačasova pakazvajucca ŭ roznych kinateatrach śvietu. Pa vyniku sami hledačy vyznačajuć najlepšuju stužku, jakaja aŭtamatyčna atrymlivaje naminacyju na «Oskar».
Sioleta załaty miedal fiestyvalu atrymaŭ film «Room Taken» («Kvatarant») ź Irłandyi. Srebra hledačy addali amierykanskaj kamiedyi «Histaryčnaja drama Džejn Ościn», a bronzu — francuzskaj stužcy «Tryvožny sihnał».
Ciapier čytajuć
Kalekcyju karcin Viktara Babaryki raspradajuć ź vialikimi źnižkami. Ale biez samaha darahoha dla jaho tvora5
Kamientary