Stała viadoma, pa jakich piaci artykułach pačynajuć sudzić analityka Andreja Parotnikava. Jamu pahražaje da 20 hadoŭ
Sud pačniecca praz dva tydni.
Andreju Parotnikavu 46 hadoŭ. U maładości słužyŭ u milicyi. Viadomy jak palityčny i vajskovy analityk, vioŭ ułasny błoh Belarus Security Blog. U 2022 hodzie Andreja Parotnikava pazbavili zvańnia kapitana milicyi zapasa.
Pra jaho zatrymańnie «Naša Niva» paviedamlała ŭ sakaviku 2023 hoda. Praz paŭhoda kanał ANT vypuściŭ film, u jakim kadebisty raspaviali, u čym abvinavačvajuć Parotnikava — u tym, što jon vieŭ svoj błoh i źbiraŭ analityku pa Biełarusi, a taksama pierapisvaŭsia z kalehami-ekśpiertami.
U vyniku jamu vystavili nastupnaje abvinavačvańnie:
- «zdrada dziaržavie» (č. 1 art. 356 KK),
- «zmova abo inšyja dziejańni, ździejśnienyja z metaj zachopu ŭłady» (č. 1 art. 357 KK),
- «sadziejničańnie ekstremisckaj dziejnaści» (č. 2 art. 361-4 KK),
- «uvachodžańni ŭ skład ekstremisckaha farmiravańnia» (č. 3 art. 361-1 KK)
- «pieraškoda ździajśnieńniu vybarčych pravoŭ» (č. 2 art. 191 KK).
Parotnikavu moža pahražać da 20 hadoŭ kałonii.
Praces pačynajecca 16 kastryčnika 2024 hoda ŭ Minskim abłasnym sudzie, pasiadžeńni buduć zakrytyja. Sudzić ekśpierta budzie Viačasłaŭ Tulejka. Jon ža vioŭ pracesy nad Pratasievičam i inšymi fihurantami spravy Niechta, a taksama anarchistam Iharam Alinievičam i jaho paplečnikami.
«Naša Niva» — bastyjon biełaruščyny
PADTRYMAĆKDB vioŭ «ahienturnyja hulni» z udziełam Parotnikava paśla taho, jak «Naša Niva» paviedamiła pra jaho zatrymańnie
Łukašenka pazbaviŭ zvańniaŭ 80 aficeraŭ, u tym liku z KDB i ŭłasnaj Słužby biaśpieki. Ašałamlalnaje pryznańnie, nakolki šmat praciŭnikaŭ režymu ŭnutry siłavych struktur
Prapahanda vypuściła film pra analityka Andreja Parotnikava i pakazała, jak zapisvali razmovy ź jaho telefona
Deputatka, jakaja rychtuje pryhažuń dla Łukašenki, vyjšła zamuž16
Kamientary