Pryvatny siektar uzdoŭž Arłoŭskaj u Minsku zamieniać šmatpaviarchoviki
Terytoryja ŭ miežach vulicy Ščadryna, Arłoŭskaj i Haja, dzie raźmiaščajecca pryvatny siektar, u ahladnaj budučyni prykmietna źmienicca. Siadzibnuju zabudovu płanujecca častkova źnieści, pišuć «Minsk-naviny».
Prajektavanaja terytoryja raźbita na dva kvartały. U miežach vuł. Navavilenskaj, Ščadryna, Navatarskaj, Daŭhinaŭskaha i Staravilenskaha trakta płanujecca ščylnaja šmatkvaternaja zabudova. Vyšynnyja damy chočuć uźvieści da 2030 h.
Maštabnyja pieramieny zakranuć i darožnuju sietku. Na vulicy Arłoŭskaj da zav. Čarviakova čakajecca rekanstrukcyja — pašyreńnie i prymykańnie da raniej abnoŭlenaj častki Daŭhinaŭskaha haścinca.
Stanie šyrej vuł. Navavilenskaja, a Pryharadnuju padoŭžać i pašyrać. Akramia taho, u kvartale źjavicca i novaja vulica — Prajektavanaja №3.
Źmienicca, ale nie tak hłabalna, učastak u miežach Daŭhinaŭskaha trakta, vulic Ščadryna i Haja. Tut majuć namier zachavać pryvatny siektar. Pradpryjemstvy i składy, jakija raźmiaščajucca na hetaj terytoryi, chočuć vynieści za jaje miežy, a na vyzvalenym miescy ŭźvieści šmatkvaternyja budynki vyšynioj da piaci pavierchaŭ.
Varta adznačyć, što ŭ kvartale jość niekalki kropak, dzie znosić pryvatny siektar i niežyłyja abjekty buduć minimalna, choć pa susiedstvie namiačajecca novaje budaŭnictva.
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary